1. Die WKOD heg groot waarde aan die blootstelling van leerders aan beroepsgeleenthede. Voorligting in beroeps- en vakkeuse word deur middel van die Lewensoriënteringsleerarea in die AOO-band, Lewensoriëntering in die VOO-band en ander verwante programme aangebied.
2. Storm Model Shop bied ‘n geleentheid aan leerders wat ‘n lewendige belangstelling toon om in óf die mode- óf die filmbedryf te werk, om inligtingsessies oor hierdie bedrywe by te woon.
3. Die sessies sal op 15 Maart 2005 ‘n aanvang neem en dwarsdeur 2005 voortduur. Hulle sal oop wees vir alle skole in die Wes-Kaap, maar is beperk tot 10 leerders per sessie van een uur. Sessie-tydgleuwe is elke weeksdag tussen 15:00 en 17:00 beskikbaar.
4. Elke skool sal verantwoordelik wees vir die keuring van leerders wat ‘n lewendige belangstelling toon en die potensiaal het om deel te wees van óf die mode- óf die filmbedryf.
5. Meer inligting rakende hierdie inligtingsessies is te vinde op die aangehegte bylae, wat die onderskeie opsies en geleenthede wat die agentskap aanbied, uiteensit. Skole kan met mnr Chris Jacobs by die Storm-kantoor by telefoonnommer (021) 423 0000, uitbr. 135, of e-pos chris@stormmodelsafrica.com in verbinding tree om ‘n afspraak te maak.


GETEKEN: D.R. SHEPHERD
HOOF: ONDERWYS
DATUM: 2005:03:18