1. KONFERENSIE OOR “ASSESSERINGSOPLOSSINGS” (ASSESSMENT SOLUTIONS)

Die Wes-Kaap Onderwysdepartement (WKOD) kondig met genoeë aan ‘n provinsiale konferensie, “Assesseringsoplossings” (Assessment Solutions), vir onderwysers van graad 1 tot 6, wat op 15 en 16 April 2005 sal plaasvind.
1.1 Die konferensie word aangebied by die lieflike Boland Landboukollege in die Paarl. Registrasie sal plaasvind op Vrydag 15 April vanaf 14:00 vir 15:00 en die verrigtinge sal om 19:00 ten einde loop. Op Saterdag, 16 April, sal die sessies vanaf 08:30 tot 14:00 aangebied word.
1.2 Die konferensieprogram sal deur onderwysers, IT-spesialiste en skoolprinsipale of assesseringsbestuurders aangebied word.
1.2.1 Die programrede sal deur die bekroonde prinsipaal, mnr Ronald Philander van St Marks’ Primary in Prince Alfred Hamlet, gelewer word.
1.2.2 Gedurende die tweede voltallige sessie sal “Dringende Aangeleenthede” (Burning Issues) aandag geniet - byvoorbeeld die kwessie rakende die bepaalde rol van Assesseringstandaarde met betrekking tot verslaghouding en verslaggewing.
1.2.3 Afgesien van die twee voltallige sessies op die Vrydag sal die konferensie uit vier stelle paralelle sessies bestaan: Stel 1 sal ‘n graad- of fasefokus hê; Stel 2 se fokus is op “Die Bestuur van Assessering” (Managing Assessment) (vir ‘n gehoor bestaande uit skool- of assesseringsbestuurders); Stel 3 se fokus is op “IT en Assessering” (IT and Assessment); en Stel 4 is gemik op onderwysers in multigraad-klaskamers.
2. OPROEP OM AANBIEDINGS

Voornemende aanbieders word hiermee uitgenooi om hulle kreatiewe assesseringsoplossings met ander onderwysers dwarsoor die provinsie te deel.
2.1 Die meegaande inligtingsblad voorsien besonderhede aangaande die soorte en lengte van aanbiedings wat verwelkom sal word en dui aan hoe en waar voorleggings ingedien moet word.
2.2 Voorleggings moet teen 16 Maart 2005 by Anne Schlebusch per faks: 021 467 2620 of per e-pos: aschlebusch@pgwc.gov.za ingedien word.
2.3 Voornemende aanbieders kan ook teen 16 Maart 2005 skakel met Anne by 021 467 2629 ten opsigte van hulle voorleggings.
2.4 Die suksesvolle konferensie-aanbieders sal persoonlik op 22 Maart 2005 in kennis gestel word.
3. KOSTE
3.1 Die konferensiefooi beloop R100 (ten einde onkoste met betrekking tot die huur van die fasiliteit, drukwerk en verversings, wat ‘n wegneem-middagete sal insluit, te verhaal). Die WKOD is in staat om beperkte finansiële ondersteuning te bied aan afgevaardigdes wie se skole nie in staat is om die fooi te betaal nie.
3.2 ‘n Vervoertoelaag van R250 (‘n vasgestelde tarief en nie ‘n per-kilometer-tarief nie) is op versoek (en daaropvolgende goedkeuring) beskikbaar vir dié afgevaardigdes wat verder as 250 km na die konferrensielokaal moet aflê (d.i. ‘n heen-en-weerreis van meer as 500 km).
3.3 Koshuisakkommodasie vir 50 afgevaardigdes word goedgunstiglik deur Paarl Boys’ High voorsien teen R90 per kop vir “aandete, bed en ontbyt”.
3.4 Vir diegene wat verkies om hul eie reëlings te tref, word ‘n lys van moontlike oornagplekke, met hul tariewe, in die Paarl op die meegaande inligtingsblad voorsien.
4. VOORLOPIGE REGISTRASIE EN REGISTRASIE
4.1 Aangesien daar slegs plek is vir 320 onderwyserafgevaardigdes (40 per OBOS), is dit nodig dat belangstellende afgevaardigdes voorlopig moet registreer.
4.1.1 Belangstellende afgevaardigdes moet die voorlopige registrasievorm (vind aangeheg) teen 16 Maart 2005 indien by die assesseringskoördineerder verbonde aan hulle plaaslike OBOS. Ná 16 Maart 2005 kan die toekennings per OBOS aangepas word indien ‘n bepaalde OBOS te veel inskrywings het en ‘n ander te min.
4.1.2 Daar word verwag dat meer onderwysers sal aansoek doen as wat geakkommodeer kan word en skole word dus aangemoedig om so gou moontlik aansoek te doen.
4.1.3 Suksesvolle aansoekers sal teen 22 Maart 2005 in kennis gestel word.
4.2 Formele registrasie en elektroniese betaling van die konferensiefooi moet teen nie later nie as 4 April 2005 afgehandel wees.
4.3 Die finale lys aanbieders en name van diegene wat suksesvol geregistreer het, sal op die kurrikulum-webwerf by http://curriculum.wcape.school.za geadverteer word onder die skakel Assessment (GET & FET) . Die konsepkonferensieprogram en -nuusitems sal ook op die webwerf verskyn.
5. Verdere navrae kan gerig word aan die Assesseringskoördineerders of the Hoofkurrikulumadviseurs by die OBOS’e.
6. Skole word versoek om die inhoud van hierdie omsendbrief onder die aandag van allebelanghebbendes te bring.


GETEKEN: D.R. SHEPHERD
HOOF: ONDERWYS
DATUM: 2005:03:07

" Inligtingsblad  (grootte: 25 KB)
"