1. DEMONSTRASIEMASJIENE VIR REKENAARPROGRAMMATUUR
1.1 Elke OBOS, sowel as Edulis, het 'n rekenaar spesiaal bedoel vir die demonstrasie van onderwyskundige programmatuur wat geskik is vir kurrikulumondersteuning op skool. Aangesien dit gewoonlik nie vir skole moontlik is om programmatuur op die proef te stel voor dit aangekoop word nie, word onderwysers aangeraai om hulle OBOS of Edulis te kontak en tyd te bespreek op hierdie rekenaars om te sien watter programmatuur tans beskikbaar is.
1.2 Die programmatuur word verskaf deur lede van ADESSA, die Associated Distributors of Educational Supplies in Southern Africa. Na gelang nuwe programmatuur ontwikkel word, sal die programmatuur wat reeds op die rekenaars is gereeld bygewerk word. Op hierdie manier word beplan om 'n uitgebreide bron op te bou om skole by te staan in die keuse van programmatuur en om onderwysers, kurrikulumadviseurs en andere vertroud te maak met die opvoedkundige programmatuur en hulle in staat te stel om te sien hoe dit gebruik kan word om waarde by te voeg tot die onderrig- en leerproses.
1.3 Hieronder is ‘n lys van kontakname en -nommers:
EDULIS-biblioteek Library: Sirkulasie               (021)957 9618  
OBOS'e:
Breederivier/Overberg Bronnesentrum  Ingrid Murray  (023)348 4657
Metropoole-Sentraal                  Pieter Visagie (021)659 4330
Metropoole-Oos                       Deon Pokpas    (021)900 7129
Metropoole-Noord                     Jenny Caroto   (021)938 3018
Metropoole-Suid Bronnesentrum        Ntombi Mngxuma (021)370 2097
Suid-Kaap/Karoo Bronnesentrum        Sam Webber     (044)803 8328
Weskus/Wynland-Bronnesentrum         Ina Heiberg    (021)860 1228
2. BYGEWERKTE NATUUR- EN SKEIKUNDEPAKKET VAN EDUMEDIA

Die Natuur- en Skeikunde-hersienings- en samevattingsoefeninge-pakket sal beskikbaar wees vanaf Edumedia vroeg in Maart, op 'n CD-skyf teen 'n nominale koste van R20,00 (posgeld en verpakkingsgeld uitgesluit). Hierdie stel van 1800 veelkeusevrae vir die huidige graad 11 en 12 Natuur- en Skeikundekurrikulum (HG en SG) is bygewerk vir die Windows-bedryfstelsel. Die pakket is daarop gemik om leerders te help om hulle kennis te konsolideer, veral ter voorbereiding van vanjaar se Senior Sertifikaat-eksamens. Navrae kan gerig word aan edumedia@pgwc.gov.za .

3. THUTONG: ( http://www.thutong.org.za/ )

Thutong is die jongste onderwysportaal van die nasionale Departement van Onderwys. Dit het as doelwit die bemagtiging van onderwysers en leerders deur die verskaffing van hoë gehalte onderwysmateriaal vir die onderrig en leer in 'n uitkomsgebaseerde (UBE-) onderwysstelsel. Al die bronne op die portaal is in ooreenstemming met die VOO-Nasionale Kurrikulumverklaring (NKV) en die VOO-Hersiene Nasionale Kurrikulumverklaring (HNKV), en ondersteun opvoeders in al hulle rolle. Met hulle eerste besoek aan die webtuiste word gebruikers gevra om te registreer (gratis) en hulle besondere belangstelling in die onderwys in te vul. Dit stel Thutong in staat om vir gebruikers te laat fokus op nuwe ontwikkelings in hulle belangstellingsvelde wanneer hulle die webtuiste besoek. Nuwe bronne word op 'n daaglikse basis beskikbaar gestel. Skole moet 'n gewoonte daarvan maak om Thutong sowel as die WKOD=webtuiste (http://wced.wcape.gov.za/) te besoek vir alle skoolverwante sake, insluitende kurrikulumondersteuning.



GETEKEN: J.P. RAULT-SMITH
HOOF: ONDERWYS
DATUM: 2005:03:04