1. Benewens die PACE-program wat aan skole gebied word, ondersteun die WKOD ook verdere inisiatiewe om steun en leiding te verskaf aan beide die onderwysers verantwoordelik vir Lewensoriëntering in primêre en hoër skole, en die leerders in graad 9 wat hulle vakkeuses vir die Verdere-onderwys-en-opleidingsband (VOO-band) moet maak, asook aan daardie leerders in die VOO-band wat die skoolstelsel vir die wêreld van werk verlaat.
2. Prinsipale word versoek om die aangehegte bygewerkte loopbaangids, The South African Career Guide, 2005, wat slegs in Engels beskikbaar is, aan die Lewensoriënteringonderwysers by hulle skole te gee. Die gids moet in die skoolinventaris aangeteken word.
3. Ekstra kopieë teen R50 elk is verkrygbaar van die uitgewers by die posadres wat in die publikasie aangedui word.


GETEKEN: J.P. RAULT-SMITH
HOOF: ONDERWYS
DATUM: 2005:02:21


Die dokumente, waarna verwys word as bylaes by die minuut, word nie aangeheg nie maar is as drukstukke beskikbaar.