1. Haar Majesteit Koningin Silvia van Swede tree as gasvrou op vir hierdie jaarlikse demokrasie-in-onderwysprojek in die konteks van die United Nations Convention vir die Regte van die Kind. Die projek is daarop gemik om

  • kinders se geletterdheid te verbeter

  • kinders te help om met ander kinders in die globale gemeenskappe te kommunikeer

  • kinders oor demokrasie in te lig, en

  • kinders se verkiesingsvaardighede te ontwikkel.
2. Kinders sal deelneem deur

  • te leer en te lees oor kinders en hulle regte in die węreld

  • op 'n wenner te besluit, en

  • deel te wees van 'n kieseropvoedingsproses wat 'n stembriefie of die gebruikmaking van 'n spesifieke webtuiste behels.
3. Mnr Nelson Mandela en mev Graca Machel tel onder hierdie jaar se benoemdes. Hulle bydraes tot die regte van kinders word in die tydskrif The Globe uitgelig. Eksemplare van The Globe, wat al die inligting vir deelname bevat, sal aan skole gestuur word.
4. ‘n Kinderjurie wat gedurende April in Swede byeen sal kom, sal bestaan uit kinders van regoor die węreld en sal behulpsaam wees met die neem van die finale besluit oor hierdie belangrike prys. ’n Suid-Afrikaanse kind, Xola Dubula, 'n 14-jarige VIGS-aktivis, dien op die paneel.
5. Die kurrikulumuitkomste van die leerareas Sosiale Wetenskappe en Lewensoriëntering maak hierdie leerareas toepaslik vir leerders om hulle begrip van kieseropvoeding en demokrasie te ondersoek en uit te brei.
6. Skole word genooi om deel te neem aan hierdie leerervaring, om hulle leerders te help om voor 31 Maart 2005 hulle demokratiese stemme uit te bring en om leerders aan te moedig om verantwoordelike burgers in plaaslike, nasionale en globale gemeenskappe te word. Vir verdere inligting, tree asseblief in verbinding met 
Marlene Winberg  
Suid-Afrikaanse Koördineerder: World's Children's Prize 
for the Rights of the Child 
Tel: 021 783 0927
Faks: 021 572 1000	
Sel: 083 3925153
E-pos: Marlene Winberg (marlene.winberg@childrensworld.org)
Webtuiste: Childrensworld (http://www.childrensworld.org)


GETEKEN: J.P. RAULT-SMITH
HOOF: ONDERWYS
DATUM: 2005:02:23