1. The Departement van Kultuursake en Sport het atletiekbronmateriaal ontwikkel om opvoeders wat verantwoordelik is vir atletiek by skole behulpsaam te wees met afrigting en organisasie. Hierdie dokumente behandel die vaardighede en kennis van die assesseringstandaarde in die Lewensoriënteringleerarea in die AOO-band en in Liggaamsopvoeding, tans 'n vak in die VOO-band. Hulle sal ook handig te pas kom by die afrigting van atletiek as buitemuurse aktiwiteit.
2. Die volgende handleidings, waarvan skole afskrifte vir afrigtingsdoeleindes en die onderrig van hierdie vaardighede aan leerders mag maak, is in hierdie pakket ingesluit: 
Back to Basics in Athletics Coaching
Konsentreer op basiese afrigtingsvaardighede en 
tegnieke vir die onderskeie atletiekdissiplines
	
Basic Athletics Administration and Technical Manual 
'n Dokument om  die beginner-opvoederatletiekafrigter in te
lig oor administratiewe en tegniese sake

APE Rules - Athletics Performance Evaluation Tables
Tabelle vir gebruik in die assessering van die prestasie van
'n atleet deur van 'n punte-stelsel gebruik te maak
3. Afrigtingskursusse vir opvoeders word deur die Departement van Kultuursake en Sport beplan.
4. Daar word beoog om 'n stel van hierdie handleidings aan alle skole te voorsien en ons vertrou dat dit van nut sal wees in die oordra van die vaardighede en tegnieke van hierdie gewilde sportsoort aan alle leerders in die Wes-Kaap.


GETEKEN: J.P. RAULT-SMITH
HOOF: ONDERWYS
DATUM: 2005:02:23


Die dokumente, waarna verwys word in die minuut, is as drukstukke beskikbaar.