1. ALGEMEEN
1.1 Met die oog daarop om konseptuele ontwikkeling van leerders te ontwikkel, sal die Wes-Kaap Onderwysdepartement (WKOD) deur middel van sy Strategie vir Wiskunde Wetenskap en Tegnologie, een Wiskunde-, Wetenskap- en Tegnologiestel aan elke openbare skool met Intermediêre Fase-leerders verskaf.
1.2 Die items in die stel kan vir die bereiking van al die leeruitkomste in die drie leerareas asook sekere leeruitkomste in verwante leerareas aangewend word. Die stel lê klem op die Tegnologie-leerarea.
2. AFLEWERING
2.1 Aflewering van die stelle sal teen die einde van Februarie 2005 begin en sal teen 24 Maart 2005 voltooi wees.
2.2 In elke geval moet 'n lid van die Skoolbeheerspan (SBS) aflewering aanvaar.
2.3 Die volgende proses moet gevolg word:
2.3.1 Kontroleer die adres op die houer. Aanvaar ontvangs van die houer slegs as u skool se adres op die vragbrief verskyn.
2.3.2 Die vragbrief moet geteken en gedateer word deur 'n lid van die SBS met sy of haar naam en ID-nommer in drukskrif onderaan geskryf. Die telefoonnommer van die skool moet verskaf word en die vorm moet met die skool se amptelike stempel gestempel word.
2.3.3 Binne 72 uur nadat die WWT-stel ontvang is, moet die items in die houer gekontroleer word teenoor die inventarislys wat in die houer voorsien is. Indien al die items daar is en in goeie toestand verkeer, moet die SBS-lid onder die "Kommentaar"-hofie invul "In goeie toestand ontvang". Enige afwykings of skade aan items moet aangeteken word op die vragbrief onder "Kommentaar". 'n "Beskadigde item" word gedefineer as 'n item, of sy plastiekhouer, wat gekraak of gebreek is.
2.3.4 Die voltooide vragbrief moet gefaks word aan N Steenkamp, Supedi by faks 011 672 8365 (Johannesburg), en nie aan die WKOD nie.
3. REëLINGS NA AFLEWERING
3.1 Na aflewering moet die prinsipaal toesien dat alle items met die skool se naam gemerk word en in die skool se inventaris ingeskryf word.
3.2 Aangesien die stel deur al die Intermediêre Fase-opvoeders gedeel moet word, sal dit na verwagting feitlik konstant in gebruik wees en is 'n effektiewe moniterings- en kontrolestelsel noodsaaklik.
3.3 Die stel moet in 'n veilige plek wat maklik toeganklik vir al die opvoeders is, bewaar word en 'n lid van die SBS moet aangestel word om die voorsiening van items aan die Intermediêre Fase -opvoeders te behartig.
4. OPLEIDING
4.1 Een kopie van 'n onderwyshandleiding in Engels en Afrikaans sal saam met die stel verskaf word. Skole sal verdere kopieë of vervangings vanaf Supedi Trust kan bestel uit die skool se LOOM-toekenning. Supedi se kontakbesonderhede is in die onderrighandleiding. Items van die stel wat vervang moet word, kan ook van Supedi Trust bestel word.
4.2 As gevolg van beperkte fondse sal slegs een opvoeder per skool deur die diensverskaffer opgelei word in die gebruik van die stel ter ondersteuning van die bereiking van leeruitkomste vir Wiskunde, Wetenskap en Tegnologie, met die klem op Tegnologie. Daar sal twee opleidingsessies wees per OBOS-distrik. Opleiding sal deur elke OBOS georganiseer word, wat elke skool per brief in kennis sal stel aangaande watter opleidingsessie bygewoon moet word. Skole wat 'n aansienlike afstand van albei opleidingsplekke geleë is, sal op 'n later datum opleiding deur die Tegnologie- kurrikulumadviseur ontvang.
4.3 Prinsipale word versoek om opleiding in die gebruik van hierdie leerondersteuningsmateriaal in hulle personeelontwikkelingsplan vir Intermediêre Fase -opvoeders in te sluit.
4.4 Intermediêre Fase-kurrikulumadviseurs in die OBOS'e sal gedurende die jaar verdere ondersteuning bied.
5. NAVRAE
5.1 Skole wat nie die WWT-stel teen 24 Maart 2005 ontvang het nie, moet me L. Malan kontak by faks 021 467 2258 of by e-posadres lymalan@pgwc.gov.za met die skool se kontakbesonderhede.
5.2 Vir enige navrae aangaande die stel en die gebruik daarvan kan skole die Intermediêre Fase- of Tegnologie-kurrikulumadviseurs in die OBOS'e kontak.

Die WKOD voorsien dat hierdie stel die onderrig en leer van Wiskunde, Natuurwetenskap en Tegnologie genotvol sal maak en dat dit die implementering van die HNKV in die Wes-Kaap sal versterk.



GETEKEN: J.P. RAULT-SMITH
HOOF: ONDERWYS
DATUM: 2005:02:23