| 1. |
UITNODIGING
Alle skoolvlakbestuurspersoneel en administratiewe beamptes van onderwysinrigtings word hiermee uitgenooi na ‘n inligtingsessie oor skool- finansiële bestuur en administrasie. Die inligtingsessie is geïnisieer deur die South African Bursars of Independant Schools Association (SABISA) en word aangebied deur Manchester Metropolitan University (MMU), National College for School Leadership (NCSL) en die Institute of Administrative Management (IAM) uit Brittanje en word deur die Wes-Kaap Onderwysdepartement (WKOD) gefasiliteer.
|
| 2.1 |
Daar word tans ‘n kursus in skool- finansiële bestuur en administrasie vir finansiële beamptes (bursars) in die Verenigde Koninkryk aangebied. ’n Sertifikaat, diploma of graad in skool- finansiële bestuur en administrasie kan by voltooiing van die kursus verwerf word.
|
| 2.2 |
Hierdie inligtingsessie is gereël om die Britse kursus bekend te stel met die oog op die instelling van ‘n soortgelyke geakkrediteerde kursus in Suid-Afrika.
|
| 2.3 |
Die inligtingsessies sal gehou word by die Northlink College in Plattekloof. Standard Bank, Royal Foods, MMU en IAM borg die inligtingsessie, maar kursusgangers is verantwoordelik vir hul eie vervoerkoste. Gratis parkering is beskikbaar. Akkommodasie is by die Kaapse Onderwysinstituut (CTI) beskikbaar vir persone wat verder as 120 km reis (sien aangehegte registrasievorm).
|
| 2.4 |
‘n Program en inligtingsmateriaal sal verskaf word gedurende registrasie op 12 September 2005. Die sessie sal slegs in Engels aangebied word. Sertifikate van bywoning sal slegs uitgereik word aan persone wat altwee die voldagsessies van 07:30 – 16:45 bygewoon het.
|
| 2.5 |
Die groepering van aanwesiges word bepaal deur die vlak van bedrewenheid in die volgende onderwerpe:
Finansies
Menslike Hulpbronne
Risikobestuur
Fasiliteitebestuur
|
| 2.6 |
Die volgende aspekte sal onder andere hanteer word:
Opgradering van beroepsvaardighede om die dag-tot-dag funksies te verrig
Ontwikkeling van beste praktyke vir skooladministrasie
Interaksie met skool- finansiële beamptes op nasionale en internasionale vlak
Motivering vir die bekendstelling van ‘n erkende kursus vir skool- finansiële beamptes wat ontwikkel sal word
|
| 3. |
AANSOEK OM REGISTRASIE
Plekke is beperk en skole wat die inligtingsessie wil bywoon, word versoek om so gou moontlik ‘n volledige aansoek (registrasievorm aangeheg) te faks aan die direkteur van die betrokke Onderwysbestuur-en-ontwikkelingssentrum (OBOS). Aansoeke sluit om 12:00 op 22 Augustus 2005. Indien u geen skriftelike bevestiging ontvang het teen 1 September 2005 nie, kan u aanneem dat u aansoek nie suksesvol was nie. Neem asseblief kennis dat laat en/of onvolledige aansoeke nie aanvaar sal word nie en geen korrespondensie gevoer sal word ten opsigte van onvoldoende inligting nie. Die volgende plekke is vir elke OBOS toegeken:
Vir die Inligtingsessie: 18
Vir Gevorderd: 2
Vir Opleiers: 2
|
| 4. |
Prinsipale word versoek om die inhoud van hierdie minuut onder die aandag van alle belanghebbendes te bring.
|
GETEKEN: E.I. MEYER
HOOF: ONDERWYS
DATUM: 2005:08:12
|