1. Hierdie Minuut moet saamgelees word met Minuut DBM 0001/2004 van 26 Maart 2004 aangaande die prosedures vir die indiening van WKOD-043-kwartaalverslae en magtigings vir die betaling van Norme en Standaarde- en ander toekennings.
2. Ten einde die adminstrasie en interne kontroles rakende die WKOD-043-kwartaalverslae en verwante betalings te verbeter en om verwante betalings te bespoedig, moet die volgende prosedures deur u administrasiekomponent dadelik ingaande ingestel word:
2.1 ‘n Gestandaardiseerde verslag moet opgestel word om die ontvangs en versending van die WKOD-043-kwartaalverslae aan te teken (verwys Bylae A). Hierdie verslag moet maandeliks by die volgende e-posadresse by Hoofkantoor ingedien word: Maggie van Eeden (Mvaneeden@pgwc.gov.za) and Deon Louw (Ddlouw@pgwc.gov.za)
2.2 Die goedgekeurde WKOD-043-magtigingsvorm (verwys Bylae B), wat uitgereik is onder dekking van Minuut DBM 0001/2004, moet volledig voltooi en deur die Adjunkdirekteur: Administrasie van die OBOS onderteken word. Slegs die oorspronklike dokument moet voor of op die sperdatums aangedui in Bylae C by Hoofkantoor ingedien word.
2.3 ‘n Alfabetiese lys van die name van skole waarvoor magtigings vir betalings in ‘n bondel ingesluit is (Bylae D), moet aangeheg wees by sodanige bondel goedkeurings wat by Hoofkantoor ingedien word.
2.4 Die dokumente waarna in paragraaf 2.2 en 2.3 hierbo verwys word, moet die Adjunkdirekteur: Begrotingsbestuur voor die betrokke sperdatums bereik.
3. U samewerking word waardeer.


GETEKEN: N.S. MITI
HOOF: ONDERWYS
DATUM: 2005:05:06

Bylae A  (grootte: 5 KB)
Bylae B  (grootte: 30 KB)
Bylae C  (grootte: 5 KB)
Bylae D  (grootte: 20 KB)