| 1. |
IiIetahedi (letterheads) ezihlaziyiweyo ozithunyelelwayo zibonisa ilogo emalunga nokubhiyozela iminyaka eli-10 yedemokhrasi eMzantsi Afrika yaye ziya kuqala ukusebenza ukususela ngoku kude kuye kutsho kowama-30 Apreli 2005. Emva koko kuya kusetyenziswa iiletahedi zesiqhelo kwakhona. |
| 2. |
Umzekelo 1 mawusetyenziswe kwiileta zesiqhelo. Imizekelo 2 kuye ku-4 mayisetyenziswe kwiisetyhula. Iiletahedi zoMphathiswa zezokusetyenziswa kuphela yi-Ofisi yoMphathiswa. |
| 3. |
Mabancede aBalawuli bee-EMDC baqinisekise ukuba abasebenzi bayayifaka kwiikhompyutha zabo le fomathi emva kokuba ifakelwe izilungiso ukuze ibonise iinkcukacha ze-EMDC nganye ngokungqinelana nale migaqo ilandelayo. |
| 4.1 |
Makungafakwa ezinye iilogo kule letahedi. |
| 4.2 |
Ulandelelwano lweelwimi kuyo yonke ingcaciso yeletahedi iza kuhlala imi ngolu hlobo isi-Afrikansi, isiNgesi, isiXhosa. |
| 4.3 |
Igama le-EMDC nedilesi yeposi yayo, mazivele ekupheleni lwephepha elineletahedi. Liphepha lokuqala (1) kuphela emalibe neletahedi kuwo onke amaxwebhu. Idilesi mayinikwe kuphela ngesi-Afrikansi nesiNgesi njengoko oomashini bokufunda iidilesi bePosofisi bekwazi ukufunda ezi lwimi kuphela. |
| 4.4 |
Okubhalwe ephepheni akuyi kushicileleka ukuba kusondele ngaphezu kwe-1.2 cm ukusuka kumbhalo osekupheleni kwephepha leletahedi. |
| 4.5 |
Amaphepha alandela iphepha leletahedi aya kuba neenombolo zolandelelwano ngokuzenzekela ukusuka ku-2. |
| 4.6 |
Umbhalo okwiphepha leletahedi uya kuzilungisa ngokwawo emacaleni ulingane. |
| 4.7 |
Makufakwe oku kulandelayo kumphezulu ongasekhohlo wephepha leletahedi: |
| 4.7.1 |
Itayitile, i(i)-initshiyali nefani yomntu emakubhekiswe kuye imibuzo |
| 4.7.2 |
Inombolo yefoni nenombolo yefeksi yalo mntu ulapha ngasentla |
| 4.7.3 |
Inombolo yesalathiso yefayili |
| 4.7.4 |
Inombolo yesalathiso ye-Issue Management System (IMS) |
| 4.8 |
Makusetyenziswe le fonti Times New Roman (pitch size 8) xa kubhalwa kumhlaba weletahedi emiselweyo. Makusetyenziswe le fonti Arial kwisiqu seleta. Mazingatshintshwa iimajini. |
| 5. |
Umhla uba ngaphantsi kwegama lesikhundla somntu osayina uxwebhu yaye ubhalwa ngesandla nguloo mntu. |
| 6. |
Iileta ezivela kwaNdlunkulu zidla ngokusayinwa yiNTLOKO: YESEBE LEMFUNDO okanye egameni layo zize iileta ezivela kwi-EMDC zisayinwe nguMlawuli we-EMDC okanye egameni lakhe. |
| 7. |
Imigqaliselo ekule ngcaciso imfutshane mayilandelwe ngokuthe ngqo kungatyekwa nakancinane kuyo. |
| 8. |
Kucelwa wazise bonke abasebenzi abalapho okubhalwe kule setyhula ukuze bakuthathele ingqalelo. |
| 9. |
Nayiphi na eminye imibuzo ngokumalunga nokubhalwe kule ngcaciso imfutshane ingabhekiswa kwaba balandelayo:Mnu PA Venter - 021 467 2816
Mks ME Erasmus - 021 467 2765 |
ISAYINWE: NGU-C.J. FOURIE
INTLOKO: YESEBE LEMFUNDO
UMHLA: 2004:03:30
|