| 1. |
Kukhuthaza zonke iintloko zamaziko emfundo, iikomiti zolawulo lwezikolo, amabhunga olawulo ezikolo, ootitshala, abazali kunye nabafundi ukuba batyumbe ootitshala abasenkonzweni nabo bathathe umhlala-phantsi beMathematika kunye/okanye beSayensi kunye/okanye beThekhinoloji ukuba bangenele ukhuphiswano lweBhaso loNyaka lokuWonga uTitshala oGqwesileyo kwiMathematika, kwiSayensi nakwiThekhinoloji. |
| 2. |
Abaxhasi abaphambili bale program ngaba, nguTelkom Foundation, iSowetan noProtec. |
| 3. |
Kucelwa nithathele ingqalelo oku kulandelayo malunga nenkqubo yotyumbo: |
| 3.1 |
Kuqhotyoshelwe apha ifom yotyumbo. (Ziya kwamkelwa iikopi ezifotokotshiweyo). Le fom mayizaliswe zonke iinkcukacha ngokuchanekileyo kungabikho zinto zisalelayo. Amabhaso aza kuwinwa kwiphondo nakuzwelonke aboniswe kwicala elingasemva lale fom yotyumbo. |
| 3.2 |
Abatyunjwa mabafakwe kolunye lwala mahlelo alandelayo:
| (a) |
Ootitshala abasenkonzweni besiGaba seGET |
| (b) |
Ootitshala abasenkonzweni besiGaba seFET |
| (c) |
Ootitshala abathathe umhlala-phantsi (Retired educators) |
|
| 3.3 |
Imilinganiselo yokukhethwa ekwifom yotyumbo iya kunceda aba batyumbayo ekujongisiseni kakuhle abatyunjwa babo. |
| 3.4 |
Kufuneka otyunjiweyo angenise iphothifoliyo yakhe namaxwebhu angqina ngaye (testimonials) amabini kuphela xa efikelele kumjikelo wokugqibela wephondo. Isikhokelo esicace gca sokufunwayo kwiphothifoliyo siya kunikwa kwesi sigaba. |
| 3.5 |
Kuya kulindeleka ukuba abo bafikelele kumjikelo wokugqibela wephondo beze kumasifundisane oququzelelwe ngomnye wabaxhasi ongulo, Shuttleworth Foundation. |
| 3.6 |
Kuphela ngabawine kula mahlelo: Ootitshala abasenkonzweni besiGaba seFET kunye nooTitshala abathathe umhlala-phantsi abaya kudlulela kumjikelo wokugqibela kazwelonke noya kuba seGoli ngoMatshi 2005. |
| 3.7 |
Iifom zotyumbo ezizaliswe zonke iinkcukacha nemazibhalwe oku (For attention: Mathematics, Science and Technology Co-ordinators) mazithunyelwe kuMcebisi ngezeKharityhulam oyiNtloko kwi-EMDC yakho ungadlulanga owama-29 Oktobha 2004. |
| 4. |
Ukuba ufuna ingcaciso engaphezulu, nceda qhagamshelana nomququzeleli wephondo ongulo, Amanda Engelbrecht, kule nombolo yefoni 021 467 2568 okanye apha e-mayili Amanda Engelbrecht (aengelb@pgwc.gov.za.). |
| 5. |
Ndingathanda ukuvakalisa inkxaso yam kule program yaye ndicela uncedo lwenu ekufuneni abo bafanele ukutyunjwa. |
ISAYINWE: NGU-J.A. SMIT
INTLOKO: YESEBE LEMFUNDO
UMHLA: 2004:08:16
|