| 1. |
Ngokomhlathi 5 woMgaqo D.XVI weeNkonzo zikaRhulumente (Public Service Code DXVI) nomhlathi XXVIII (3) weSigqibo se-PSCBC 3/1999, nekufuneka ufundwe kunye neSigqibo 6/2003, isibonelelo siyenziwa malunga nokuwongwa |
| 1.1 |
Kwalowo unenkonzo engama-20 eminyaka esisigxina, engazange yaphuke, ezinzileyo, ngokuthi awongwe ngesatifikethi esifanelekileyo kunye nelungelo lokuzikhethela ukuguqulela iintsuku ezili-10 zekhefu umenzi-sicelo anazo zisiwe emalini. |
| 1.2 |
Ngenkonzo engama-30 eminyaka esisigxina, engazange yaphuke, ezinzileyo, ngokuthi awongwe ngesatifikethi esifanelekileyo kunye nelungelo lokuzikhethela ukuguqulela iintsuku ezili-15 zekhefu umenzi-sicelo anazo zisiwe emalini. |
| 2. |
Nawuphi na umsebenzi (kubasebenzi bakarhulumente okanye ootitshala) weSebe leMfundo leNtshona Koloni ozanezayo iimfuneko eziku-1.1 okanye u-1.2 kwithuba elisusela kumhla woku-1 Januwari 2004 ukuya kowama-31 Disemba 2004 angayinikwa ingqwalaselo yokufumana ibhaso lokuwongwa. |
| 3. |
Umntu ekubhekiswa kuye ngumhlathi 2 makabonise kwiSihlomelo A ukuba uyakunqwenela kusini na ukuguqulela emalini iintsuku zekhefu anazo nezikhankanywe kumhlathi 1.1 no-1.2. Nje ukuba ukuba umntu akhethe isigqibo eso asingekhe siguqulwe. Inkqubo yokuguqula kweentsuku zekhefu zisiwe emalini kwenziwa ngokwenotshi yomvuzo womntu ngaloo mhla athe wakuphumeza ngako ukufumana ukubonelelwa. |
| 4. |
Intloko yeziko (umphathi wesekethe omkhulu ngokuphathelele kwinqununu) okanye isuphavayiza mayizalise iSihlomelo B ukuqinisekisa ukuba umenzi-sicelo uye wanikeza ngenkonzo ezinzileyo nencomekayo. |
| 5. |
Nceda uqaphele ukuba isixa esikhutshwe kulungiselelwa ikhefu saze saguqulelwa emalini siya kutsalelwa irhafu. |
| 6. |
Ukwenzela ukuba izatifikethi ezingqina ngenkonzo ende yomsebenzi zibe nokulungiswa zihlolisiswe, iSihlomelo C esigcwaliswe ngokukuko masingeniswe kwiSebe leMfundo leNtshona Koloni ukulungiselela abasebenzi abaphantsi kwakho abathe bazaneza iimfuneko zebhaso kwisithuba sowoku-1 Januwari 2004 ukuya kowama-31 Disemba 2004. Igama elikwisatifikethi liya kupelwa ngokohlobo elibhalwe ngayo kwincwadi-sazisi. Ukuba umntu lowo uchaphazelekayo unqwenela ukuba lipelwe ngenye indlela, oku makuboniswe ngokucacileyo kwizihlomelo A no-C. |
| 7. |
Zonke iintloko zamaziko kunye/okanye iisuphavayiza ziyacelwa ukuba zingenise izihlomelo ezingelokhutshelo u-C, B kumntu ngamnye ogama lakhe livelayo kwisihlomelo C, kwiSebe leMfundo leNtshona Koloni phambi komhla wama - 15 Juni 2004. Nceda uqaphele ukuba iikopi ezifeksiweyo azamkelekanga zingasayi kunikwa ngqwalaselo kananjalo. |
| 8. |
Impendulo ekhawulezileyo ngalo mba iya kuvuyelwa. |
ISAYINWE: NGU-J.H. HURTER
INTLOKO: YESEBE LEMFUNDO
UMHLA: 2004:05:18
|