| 1. |
Imibhiyozo yoSuku lweeNcwadi kwiHlabathi liphela eyasungulwa ngu-UNESCO iba ngomhla wama-23 Apreli minyaka le, ekungumhla wokuzalwa kukaWilliam Shakespeare, suku olo kulo nyaka lungoLwesihlanu. Umxholo wolu suku ngulo, UKUFUNDA: UHAMBO OLUNGASOZE LUPHELE (READING: A NON-STOP JOURNEY), ubonisa ukubaluleka kwesakhono sokufunda kwimfundo yobomi bonke bomntu, kuphuhluso lwengqondo nempilo entle ngokwasemphefumlweni. |
| 2. |
Okuqhotyoshelwe apha luluhlu lweengcebiso oluqulunqwe ngabasebenzi bakwa-EDULIS (WCED Education Library and Information Service) lwezinto ezinokwenziwa zizikolo ukuqaphela olu suku ngendlela enenzuzo neyonwabisayo. |
| 3. |
Kukho nephowusta emibala-bala ebonisa umoya wokubhiyozela olu Suku lweeNcwadi kwiHlabathi liphela neya kufumaneka ngolu hlobo lulandelayo: |
| 3.1 |
U-SABC uya kuyithumela le phowusta kunye nebhokisi eneencwadi ezifumaneka mahala kuzo zonke izikolo eziziprayimari ekuyeni ekupheleni kukaFebruwari 2004. |
| 3.2 |
Izikolo ezizisekondari zingaya kuyithatha iphowusta kwii-EMDC zazo. |
| 4. |
Ziyakhuthazwa izikolo ukuba zikungqine ukuxabiseka kokufunda ngokuthi zithathe inxaxheba ngomdla omkhulu kwezo zinto ziza kube zisenziwa ezinxulumene nokufunda ngolu Suku lweeNcwadi kwiHlabathi liphela. |
| 4.1 |
Izikolo zingacela ukubolekwa iqela leencwadi ngu-EDULIS Library kwangaphambili ukuze zizisebenzise ngolu yoSuku lweeNcwadi kwiHlabathi liphela. |
| 4.2 |
lKungasetyenziswa kwakhona iincwadi ezinikwe iiklasi zesiGaba sesiSeko ngokweProjekthi yeeNcwadi ezili-100. |
ISAYINWE: NGU-M.J. CHILES
INTLOKO: YESEBE LEMFUNDO
UMHLA: 2004:03:12
|