| 1. |
Kulo nyaka kuza kusetyenziswa inkqubo entsha yokuprinta nokufakwa ezingxobeni kwamaphepha eemviwo ukulungiselela ezi njongo zilandelayo.
Ukuprinta ngomatshini (digital printing) kwiphepha A3 eligotywe okwencwadi Ibhakhowudi engafani nenye kwiphepha ngalinye (eza kulingwa kulo nyaka kwiqelana lamaphepha eemviwo) Ukufakwa eziplastikhini ezitywiniweyo kwawo onke amaphepha emibuzo Ukufakwa ezingxobeni nokusiwa kwamaphepha emibuzo ezikolweni ngokolandelelwano lweeseshoni zokubhala iimviwo. Oku kuya kuqinisekisa ukuba kukhutshwa amaphepha emibuzo achanekileyo kwigumbi elinqatyisiweyo (strongroom).
|
| 2. |
Nceda uqaphele ezi ngcaciso-magama zilandelayo:
Isingxobo sangaphakathi - Esiluhlaza (okwengca) (kwi-HG) okanye esimthubi (kwi-SG) esenziwe ngeplastikhi (Esi sithatha indawo yemvulophu emdaka nesingxobo seplastikhi esitransparenti.)
Isingxobo sangaphandle - Isingxobo esitransparenti esinezingxobo ngaphakathi zeseshoni nganye. (Esi sithatha indawo yeebhokisana zekhadibhodi ebekufakwa kuzo amaphepha emibuzo kwixesha elidlulileyo.) |
| 3. |
Le nkqubo intsha imi ngolu hlobo lulandelayo: |
| 3.1 |
Ukuprintwa nokutywinwa kwamaphepha emibuzo
Amaphepha emibuzo aprintwa kumaphepha angu-A3 aze athunyelwe ezikolweni ekwimo yencwadi engu-A4. Zonke izingxobo zangaphakathi zinelebhile emhlophe ekubhalwe kuyo ibhakhowudi, igama lesifundo nenani lamaphepha. Amaphepha emibuzo aqala atywinwe ezezi yunithi 2, 5, 10, njl. njl. aze afakwe kwisingxobo seplastikhi esimthubi kwi-SG (isingxobo sangaphakathi) nesiluhlaza (okwengca) kwi-HG (isingxobo sangaphakathi). |
| 3.2 |
Ukufakwa ezingxobeni kwamaphepha emibuzo |
| 3.2.1 |
Amaphepha emibuzo afakwa ezingxobeni ngokweziko ngalinye, ngokomthwalo othunyelwayo ngamnye (consignment) nangokweseshoni nganye. Iseshoni nganye imele umhla nexesha, umz. 11-10-2004 ngo-9:00, kungakhathaliseki nani lamaphepha emibuzo aza kubhalwa. Umzekelo, iseshoni 2 yange-11-10-2004 ngo-14:00. |
| 3.2.2 |
Izingxobo zangaphakathi zeseshoni ethile ziyatywinwa zifakwe kwisingxobo/ kwizingxobo zangaphandle. Iziko linokufumana izingxobo zangaphandle eziliqela zeseshoni enye, ngakumbi xa amaphepha emibuzo emaninzi yaye liphezulu inani labaviwa. Isingxobo ngasinye sangaphandle sinelebhile emhlophe ekuboniswe kuyo okungaphakathi. Ukongeza kwisingxobo sangaphandle, amaziko afumana uluhlu oluchaza izinto ezifakiweyo (ngomthwalo ngamnye) nolubonisa okuqulathwe ngumthwalo uwonke. |
| 3.2.3 |
Izingxobo zangaphandle ezitransparenti zifakwe kwiikhadibhodi ezinkulu ezidityaniswe nkqi ngeziteyipla zaze zatywinwa ngezibopho zeplastikhi. |
| 3.3 |
Ukuhanjiswa kwamaphepha eemviwo ukusiwa ezikolweni |
| 3.3.1 |
Ziyacelwa iinqununu ukuba zibale inani leebhokisi ngenyameko enkulu phambi kokuba zisayine uxwebhu oluhamba nomthwalo wamaphepha emibuzo ozisiweyo. |
| 3.3.2 |
Umphathi wesekethe, inqununu nomgadi wabaviwa oyintloko mababekho xa amaphepha emibuzo etshekishwa emva kokuba efikile. Isingxobo sangaphandle masivulwe ngobunono ngesikere kulandelwe imigcana echokoziweyo (dotted lines) ukwenzela ukuba ezo ndawo ziphinda zitywinwe zesingxobo sangaphandle namatywina ezingxobo zangaphakathi angasikwa avuleke. Izingxobo zangaphakathi akuvumekile naphantsi kwayo nayiphi na imeko ukuba zivulwe ngethuba lenkqubo yokuqala yokutshekisha. (Nceda uqaphele ukuba izingxobo zangaphandle zinamatywina amabini. Itywina lokuqala lisetyenziselwa ukuvala amaphepha emibuzo phambi kokuba athunyelwe ezikolweni. Itywina lesibini elifikeleleka kuphela xa isingxobo sangaphandle sisikwe savuleka, lisetyenziselwa kwakhona ukutywina isingxobo emva kokuba kugqityiwe ukutshekisha.) |
| 3.3.3 |
Kwakuba nje okungaphakathi kwisingxobo sangaphandle ngasinye kutshekishiwe nganye nganye, masitywinwe kwakhona phantsi kweliso lomphathi wesekethe size sifakwe kwigumbi elinqatyisiweyo ngokwenombolo yeseshoni. Ukutywinwa kwakhona kwezingxobo ezingaphandle kubaluleke gqitha, njengoko ababeki-liso besebe lemfundo, belikazwelonke nabangaphandle beya kuthi, ngethuba lotyelelo lwabo kumaziko okubhalela iimviwo, batshekishe indlela amaphepha emibuzo aye atywinwa ngayo kwakhona kwizingxobo zangaphandle. |
| 3.3.4 |
Le nkqubo ilandelayo yokungqinwa kokuvaleka vingci mayiqhubekele ngaphakathi kwindawo yokubhalela iimviwo oku kwenziwe phambi kwabaviwa ngosuku lweseshoni yolo viwo luchaphazelekayo. Umgadi wabaviwa oyintloko nomgadi wabaviwa mabangqine kulo ndawo icacisiweyo kwisingxobo sangaphakathi seplastikhi (esimthubi/nesiluhlaza (okwengca)) ukuba isingxobo esingaphakathi sivaleke vingci, nokuba amaphepha emibuzo achanekileyo avulwa ngexesha elifanelekileyo ngokungqinelana nethayimthebhile yeemviwo nokuba uviwo luqhutywa ngokwemigaqo nemimiselo. Emva kokuba kwenziwe oku kwisingxobo ngasinye sangaphakathi, zinako ke ngoku ukusikwa zivulwe. Izingxobo zeplastikhi esezikhutshwe konke obekukuzo mazifakwe kwisingxobo sangaphandle kwakhona zize emva kokugqitywa kweemviwo zigcinwe kwigumbi elinqatyisiweyo leziko ngeenjongo zokulungiselela ukutshekishwa/uphando lwazo naziphi na iinkqubo ezingahambanga ngokomgaqo ezinokwenzeka. |
| 4. |
Ukuba unayo nayiphi na imibuzo engokumalunga nale nkqubo intsha, khululeka uqhagamshelane noMnu CA Berry kule nombolo yefoni 021 467 2265 okanye uMnu A du Toit kule 021 467 2955. |
| 5. |
Nceda wazise okubhalwe kule ngcaciso emfutshane bonke abachaphazelekayo ukuze bakuthathele ingqalelo. |
ISAYINWE: NGU-A.P. CLAUSEN
INTLOKO: YESEBE LEMFUNDO
UMHLA: 2004:09:20
|