| 1. |
Ngo-2003, iSebe leMfundo leNtshona Koloni, ukuxhasa iNdlela yobuChule yalo yokufundisa uLwazi lokuFunda nokuBhala (Literacy Strategy) nokuphumeza iNgcaciso yeKharityhulam eHlaziyiweyo kaZwelonke (RNCS), libonelele iiklasi zeSigaba sesiSeko ngemiqulu yeencwadi zokufunda ezili-100. |
| 2. |
Kwikota yesithathu ka-2004, ukunika inkxaso ekuqalisweni kwe-RNCS kwiSigaba esiPhakathi nasekuqhubekeni okokoko ngokunika inkxaso kwiNdlela yobuChule yokufundisa uLwazi lokuFunda nokuBhala, eli Sebe leMfundo liza kubonelela ngemiqulu yeencwadi zokufunda ezili-100 kwiklasi nganye yeli Sebe leMfundo enabafundi beSigaba esiPhakathi, neziya kwabiwa ngokwenani leeklasi, ngokolwimi nangokwanqanaba olwazi lokufunda avavanyiweyo esikolo. Le miqulu ebhalwe ngeelwimi ngeelwimi ilungiswe yaza yakhethwa ziingcali zesigaba, ezokufunda kunye nezeelwimi yaye ineencwadi ezilungiselelwe amanqanaba olwazi lokufunda ahlukeneyo. |
| 3. |
Ezi ncwadi ziya kubonelelwa izikolo ngokusebenzisa umthengisi-zincwadi okwangulowo wabonelela isikolo eso ngeencwadi kwiprojekthi yeFoundation Phase 100+ Books. Nakuba kunjalo, ukuba isikolo sinqwenela ukumtshintsha umthengisi-zincwadi obesibonelele ngeencwadi ngaphambili kule Projekthi ye-Intermediate Phase 100+ Books, malaziswe iSebe leMfundo leNtshona Koloni ngokumalunga noku. Izikolo ezingazange zisifumane kwangexesha isaziso esasithunyelwe ngoJuni, zingasebenzisa iSihlomelo A esiqhotyoshelweyo ukubonisa ukutshintsha kwaso umthengisi-zincwadi. ISihlomelo A esizaliswe zonke iinkcukacha masingeniswe kwiSebe leMfundo leNtshona Koloni ungadlulanga umhla we-23 Julayi 2004 ngokusebenzisa enye yezi ndlela zilandelayo:
Ifeksi: 021 467 2620 okanye 021 467 2258 okanye sithunyelwe siqhotyoshelwe kwi- imeyili sibhalwe esi sihloko ADDENDUM A, kule dilesi curriculum at curr1@pgwc.gov.za
Qaphela: I-ADDENDUM A mayingeniswe kuphela xa isikolo sifuna ukumtshintsha umthengisi-zincwadi waso.
|
| 4. |
Le projekthi ayisichaphazeli isabelo-mali esikhutshwa ngokwemigaqo nemigangatho yolwabiwo-mali yezikolo (norms and standards funding) njengoko ezi zikolo zifumana iincwadi ukongeza kwimali yesiqhelo yeencwadi nezinto zokuncedisa ekufundeni (LSM). |
| 5. |
Umqulu ngamnye uya kuba noluhlu lweencwadi ezi-odolwe kumthengisi-zincwadi. Mazincede iinqununu zisuphavayize ulawulo lwezi ncwadi yaye kufuneka
zingqine kwi-invoyisi ukuba zizisiwe iincwadi yaye zizifumene zenze ikopi ye-invoyisi engqiniweyo (certified) neyoluhlu lweencwadi (neyezintlu zeencwadi) engqiniweyo zinike utitshala ngamnye ochaphazelekayo ikopi yoluhlu ngalunye ukulungiselela iinjongo zokubalwa kwencwadi ezo (inventory) zithumele i-invoyisi yentsusa (original) engqiniweyo ngoko nangoko kulo
Ms L Stafford
Room 8-09 Grand Central Towers
Lower Plein Street
CAPE TOWN
8001
|
| 6. |
Iikomiti zolawulo lwezikolo (school management teams) (SMTs) nootitshala baziswa ngeProjekthi ye-Intermediate Phase 100+ Books ngethuba lokuqeqeshelwa i-RNCS, yaye kungekudala izikolo ziza kwaziswa ngoqeqesho olulodwa oluza kwenzelwa le projekthi. |
| 7. |
Ukufumana iingcebiso okanye ulwazi olungaphezulu, kucelwa uqhagamshelane nomququzeleli ochaphazelekayo wophuhliso lolwazi lokufunda nokubhala (literacy co-ordinator):
Central: Mnu G Davids 021 659 4423
East: Mks K Mabandla 021 900 7014
North: Mks J. Caroto 021 938 3018
South: Mks J Leukes 021 370 2044
Mks S Slingers 021 374 4107
Mks M Kwinana 021 372 2770
Breede River/Overberg: Mks M Siddle 082 896 1043
Southern Cape/Karoo: Mks C du Plessis 083 278 5043
West Coast/Winelands: Mks J Baatjes 082 374 5759
Mks F Lawrence 021 860 1200
Mnu R Cornelissen 083 642 1618
|
| 8. |
ISebe leMfundo leNtshona Koloni liziva linovuyo lokuba lenze eli galelo kuphuhliso lolwazi lokufunda nokubhala kweli phondo, yaye sinethemba lokuba izikolo ziya kulisebenzisa ngokupheleleyo eli thuba ngokuthi zizisebenzise ngolangazelelo ezi ncwadi kunyaka ozayo. |
ISAYINWE: NGU-P.A. VINJEVOLD
INTLOKO: YESEBE LEMFUNDO
UMHLA: 2004:07:14
|