1. |
IYunivesithi yaseStellenbosch, ngentsebenziswano neSebe leMfundo leNtshona Koloni kunye neWorld Population Foundation (WPF), yenze iphakheji eyi-CD-Rom yoLwazi Banzi ngezoBomi (CD-Rom Life Orientation) nekwafumaneka iyikopi engamaphepha. Le program ilungiselelwe ukungqinelana neziphumo zezifundo ezitsha zoLwazi Banzi ngezoBomi ze-FET zamaBakala 10 -12, neziya kuqaliswa ngo-2006. Le program ikhuthaza ulwazi, izakhono, iimfundiso ngeziseko zentlalo (values) neengcinga ezikekelele kokuthile (attitudes) eziya kwenza abafundi bakwazi ukujongana nemingeni yobomi ngokuzithemba, ngempumelelo yaye bebonisa inkathalo. |
2. |
Isikolo sakho sikhethwe ukuba sithathe inxaxheba kulo vulindlela wokulungiselela uphando, oku ke okuvunywe liCandelo lezoPhando leli Sebe leMfundo (WCED) (funda iSihlomelo B) nayikomiti yeYunivesithi yaseStellenbosch yee-ethiksi (ethics committee). |
3. |
Njengoko kwenziwa isigqibo kwinkomfa yowe-31 Matshi - 3 Apreli 2004, olu phando lunguvulindlela luya kuqhubeka ukususela ngowe-21 Julayi 2004 ukuya kowe-23 Septemba 2004. Aza kwenziwa amalungiselelo ayimfuneko nesikolo sakho ubuncinane kwiveki enye phambi kokuqala kwalo. |
4. |
Izixhobo zokufunda (i-CD-Rom, incwadana katitshala, iincwadi zabafundi zokusebenzela kunye nevidiyo yabazali) ziya kuthunyelwa kootitshala bezoLwazi Banzi ngezoBomi kwizikolo ezichaphazelekayo ngekhuriya phambi kowama-30 Juni 2004. |
5. |
Ziyacelwa iinqununu zezikolo eziphakamileyo ezikhethiweyo ukuba zizalise iSihlomelo A zize zisifake kwigosa lezolawulo lweeprojekthi, uNks DM Conradie (kwidilesi ekwisihlomelo) phambi komhla wama-30 Juni 2004. |
6. |
Siya kuyivuyela kakhulu intsebenziswano yenu malunga noku. |
ISAYINWE: NGU-J.P. RAULT-SMITH
INTLOKO: YESEBE LEMFUNDO
UMHLA: 2004:06:17
|