| 1. |
Kwakhona iSebe leMfundo leNtshona Koloni (WCED) liza kuqhuba uviwo olufanayo lwenqanaba 3 njengoko kwakucacisiwe kwiSetyhula 74/2003. Olu viwo luya kusebenza njengenkqubo yophuhliso ukwenzela ukuxhobisa abafundi ngezakhono ezifunekayo ekubhaleni uviwo lwangaphandle olubhalwa kulandelwa imigaqo (formal external examination). |
| 2. |
Ayacelwa onke amaziko emfundo oluntu abhalise kwiWCED ukuba avumele abafundi bawo ukuba babhale olu viwo kwinkalo yesifundo abazikhethele ngokwabo. |
| 3. |
Bayacelwa abaphathi bala maziko ukuba bazalise ifom yedatha yobhaliso (registration data form) eqhotyoshelweyo ngomfundi ngamnye oya kube ebhala uviwo olufanayo lwenqanaba 3. Le fom mayifike kwaNdlunkulu ungadlulanga umhla wama-28 Juni 2004. Ukuba nayiphi na ifom yobhaliso ifike emva kwalo mhla ubekiweyo, iya kuba luxanduva lomphathi weziko ochaphazelekayo ukushicilela amaphepha emibuzo eziko lakhe. |
| 4.1 |
Olu viwo lufanayo luya kumakishwa liziko lemfundo loluntu elo. |
| 4.2 |
Amanqaku oviwo lokugqibela kwakunye namanqaku eCASS aya kuboniswa njengepesenti kwishedyuli yokugqibela eya kuhamba kunye namaphepha emibuzo kamva enyakeni. |
| 4.3 |
Kuya kuba luxanduva lwamaziko ukunika abafundi iiripoti zokugqibela zango-2004. |
| 4.4 |
Abacebisi ngezekharityhulam bakwa-ABET baya kumodareyitha baze bavume ukufaneleka kweziphumo zokugqibela zeenkalo zezifundo. |
| 4.5 |
Ikopi yeshedyuli yokugqibela evunyiweyo mayithunyelwe kwaNdlunkulu ukuze abafundi babe nako ukufumana iingxelo (statements of results) kwi-WCED. Ezi zatifikethi ziya kuthunyelwa kumaziko emfundo oluntu ngo-2005. |
ISAYINWE: NGU-J.P. RAULT-SMITH
INTLOKO: YESEBE LEMFUNDO
UMHLA: 2004:04:26
|