| 1. |
Njengoko kwakubhengezwe kwiSetyhula 215/2003, zavunywa kunyaka ophelileyo izindululo zokugqibela zomgaqo-nkqubo weNgcaciso yeKharityhulam kaZwelonke (NCS). Esi saziso sivele kwiGazethi kaRhulumente 25545, iSaziso 1407 somhla we-6 Oktobha 2003. Sinokufundwa kwiziko lewebhu apha Government Gazette apha http://www.gov.za/gazette/notices/2003/25545.pdf |
| 2. |
Iikopi zala maxwebhu ziya kufumaneka ngolu hlobo lulandelayo: |
| 2.1 |
Kuya kubakho ikopi eyazisa ngeFurther Education and Training (FET) NCS enala maxwebhu “Overview”, “Qualifications and Assessment Policy Framework Grades 10 - 12 (General)” kunye namaxwebhu angawodwa ezifundo ezingama-21 aya kunikwa izikolo liSebe leMfundo likazwelonke ngoMatshi 2004. Ziyacelwa iinqununu ukuba ziqinisekise ukuba utitshala ngamnye we-FET uyawafunda la maxwebhu, “Overview”, “Qualifications and Assessment Policy Framework Grades 10 - 12 (General)” noxwebhu lwesifundo ngalunye, apho kufanelekileyo. Emva koko kufuneka inqununu igcine iseti yamaxwebhu njengamaxwebhu aza kumana efundwa qho ukukhangela izinto ezithile. |
| 2.2 |
Iikopi eziza kusetyenziswa zeeNCS ziya kuthunyelwa kwisikolo ngasinye ebudeni balo nyaka. |
| 2.3 |
Iseti epheleleyo yamaxwebhu eNCS iyafumaneka kwiphepha elinge-Further Education and Training (Schools) kweli ziko leWebhu le-WCED Curriculum Development (http://curriculum.wcape.school.za/index) phantsi kwesihloko esithi “Policies, Circulars, Guidelines and Learning Support”. |
| 2.3.1 |
Njengangoku la maxwebhu afumaneka ngolwimi lwesiNgesi kuphela, kodwa iSebe leMfundo leNtshona Koloni lenza amalungiselelo okuba la maxwebhu aguqulelwe kwiAfrikansi. |
| 3. |
Kusaqulunqwa la maxwebhu alandelayo: |
| 3.1 |
Amaxwebhu alishumi elinanye njengangoku asajongisiswayo nahlelwayo aya kuthunyelwe ezikolweni ebudeni balo nyaka. |
| 3.2 |
Kusaqulunqwa iinguqulelo ezintsha zala maxwebhu ezifundo alandelayo yaye ziza kuba sele zikumaneka ebudeni balo nyaka: esiHindu, esiUrdu, esiThamili, esiTelugu, esiFrentshi, esiArabhu, esiTaliyane, esiJamani, esiPhuthukezi, esiHebhere nesiLatini. Ezi zifundo ziya kufundiswa xa kukho imfuneko yazo. |
| 3.3 |
Ezi zifundo iThekhinoloji: KwezooMatshini (Mechanical), iThekhinoloji: KwezoMbane nobuNjineli bokuZoba zisalungiswa ukuze zifane nezo zecandelo le-FET yaye amaxwebhu amalunga nazo aya kuthunyelwa ebudeni balo nyaka. |
| 3.4 |
Kuza kuqaliswa umsebenzi wokuqulunqa iingcaciso ngezifundo zeThekhinoloji: KwiziFundo ngezoLuntu neNkolo (Civil and Religion Studies) ngoMatshi 2004. |
| 4. |
Seluqhubeka uqeqesho ngolu hlobo lulandelayo: |
| 4.1 |
Bekufanele ukuba ootitshala bachitha ixesha besebenza nge-CD ROM kwi-WCED OBE Multi-media Package. Silindele ngomdla ukuva ingxelo evela kootitshala neenqununu ngale nkqubo. |
| 4.2 |
Kwenziwa ngoku uphando olungumhlahla-ndlela (pilot study) malunga nokuqeqeshwa kootitshala beZifundo zoLwazi Banzi ngezoBomi “kwezoPhuhliso loMntu Buqu”. |
| 4.3 |
Kwenziwa iprogram yoqeqesho kootitshala abangama-400 be-FET ngeeNgcebiso zokuKhetha iKhondo loMsebenzi (Career Guidance). |
| 4.4 |
Sekwenziwe amalungiselelo eekhosi ze-Advanced Certificate of Education (ACE)) ukulungiselela ootitshala abaya kufundisa ezoLwazi lweMathematika. |
| 5. |
Ziyacelwa iintloko zamaziko ukuba zazise bonke ootitshala, abafundi, abazali/abagcini babafundi okubhalwe kule setyhula ukuze bakuthathele ingqalelo. |
| 6. |
Imibuzo malunga nokubhalwe kule setyhula ingabhekiswa kubalawuli nakubacebisi ngezekharityhulam abaziintloko abakwii-EMDC. |
| 7. |
Xa ufuna ukwazi ngezinto zakutshanje yiya kwiphepha lewebhu leziko lezoPhuhliso lweKharityhulam apha Curriculum Development (http://curriculum.wcape.school.za/index) |
ISAYINWE: NGU-J.P. RAULT-SMITH
INTLOKO: YESEBE LEMFUNDO
UMHLA: 2003:03:04
|