1. |
ISebe leMfundo leNtshona Koloni (WCED), lisebenzisana neYunivesithi yaseStellenbosch neWorld Population Foundation (WPF), livelise iCD-ROM enengcaciso ngeSifundo soLwazi Banzi ngezoBomi nekwafumaneka ingamaphepha. Le program ilungiselelwe ukungqinelana neziphumo zokufunda ezitsha zoLwazi Banzi ngezoBom zeFET zamaBakala 10 kuye ku-12 neziza kuqala ukusebenza ukususela ngo-2006. Le program ikhuthaza ulwazi, izakhono, iziseko zobom (values) neemvakalelo (attitudes) eziya kwenza abafundi bakwazi ukumelana nemingeni yobomi ngokuzithemba, ngendlela eyiyo nangenkathalo. |
2. |
Kuza kubakho umasifundisane (workshop) weentsuku ezintathu, oza kuqhutywa ngabavelisi bale CD-ROM oza kwenzelwa ootitshala abafundisa isifundo soLwazi Banzi ngezoBomi kwizikolo eziphakamileyo ezikhethelwe ukuba zithathe inxaxheba kolu phando lungumhlahla-ndlela. Kulo masifundisane kuza kuqeqeshwa ootitshala abababini be-FET ukuba bakwazi ukusebenzisa le program. Baza kunikwa kwakhona izinto zokuncedisa ukuphumeza le program. Olu phando luvunywe liCandelo lezoPhando leSebe leMfundo leNtshona Koloni (khangela iSihlomelo B) nayikomiti yee-ethikhisi yeYunivesithi yaseStellenbosch. |
3. |
Lo masifundisane uza kubanjelwa kwiHealth Sciences Faculty, University of Stellenbosch, Parow. Balindeleke ootitshala ukuba babhalise kwangoko ngentsimbi ye-13:00 ngoLwesithathu wama-31 Matshi 2004 baze ke babekho ngalo lonke ithuba lokuqhubeka komasifundisane oya kuvala ngentsimbi ye-15:00 ngoMgqibelo we-3 Apreli 2004. Baya kubuyiselwa ngeendleko zabo zohambo, yaye baya kubonelelwa ngendawo yokulala nokutya. |
4. |
Ziyacelwa iinqununu zezikolo ezikhethiweyo ukuba zizalise iSihlomelo A esiqhotyoshelweyo zize zisingenise kwigosa lolawulo lweprojekthi, uNks MD Conradie (odilesi ekwisihlomelo) ungadlulanga umhla wama-27 Februwari 2004. |
ISAYINWE: NGU-J.P. RAULT-SMITH
INTLOKO: YESEBE LEMFUNDO
UMHLA: 2003:02:16
|