| 1. |
NgokweSiqendu 43 soMthetho weZikolo waseMzantsi Afrika, 1996 (uMthetho 84/1996) njengoko ufakelwe izilungiso (SASA) nangokweSiqendu 24 soMthetho weMfundo noQeqesho lwaBadala, 2000 (uMthetho 52/2000) (ABET) ngokulandelelanayo, izikolo zikarhulumente, namaziko emfundo yabadala kufuneka zingenise iingxelo-mali eziphicothiweyo kweli Sebe leMfundo ungadlulanga owama-30 Juni kunyaka ngamnye. |
| 2. |
Ukwenzela ukuqinisekisa ngolawulo olululo nokwenza iSebe leMfundo leNtshona Koloni ligcine irekhodi epheleleyo yabantu abanokuqeshwa njengabaphicothi-zincwadi ngala maziko emfundo, ziyacelwa iinqununu nabaphathi bamaziko emfundo yabadala ukuba bazalise iinkcukacha kwifom yesaveyi eqhotyoshelweyo bayithumele ungadlulanga owe-13 Septemba 2004 kulo
Head: Education
(For attention Director: Budget Management)
Western Cape Education Department
Private Bag X9114
CAPE TOWN
8000
(Inombolo yefeksi: 021 467 2594) |
| 3. |
Ngalinye iziko lemfundo maliqinisekise ukuba ngaba umphicothi-zincwadi ubhalisile na kwimibutho yabaqeqeshelwe ukuphicotha iincwadi okhankanywe kwifom yesaveyi, emalungu yawo athathwa yi- SASA ngokuba ngabaphicothi-zincwadi ababhalisiweyo. |
| 4. |
Amaziko asebenzisa abaphicothi-zincwadi ababhalisiweyo makazalise kuphela icandelo A lale fom. Amaziko asebenzisa abaphicothi-zincwadi abangabhaliswanga, o.k.t. abantu abasetyenziswa njengabaphicothi-zincwadi kodwa bengabhaliswanga kule mibutho yabaqeqeshelwe ukuphicotha iincwadi ekhankanywe kumhlathi 3, makazalise kuphela icandelo B lefom. |
ISAYINWE: NGU-E.I. MEYER
INTLOKO: YESEBE LEMFUNDO
UMHLA: 2004:08:30
|