Hierdie omsendminuut is aanvullend tot Omsendbrief 0031/2004.

Ooreenkomstig paragraaf 4.1.2 van die voormelde Omsendbrief 0031/2004, moet 'n Prestasiesertifikaat wat die jaar 1 April 2003 tot 31 Maart 2004 dek, ten opsigte van elke staatsamptenaar wat in diens van die WKOD is en wat vir salarisvordering kwalifiseer, voltooi word en nie later nie as 16 Augustus 2004 aan Hoofkantoor by die volgende adres voorsien word:

Mnr RT Manasse, Kamer 10-11, Grand Central Towers, Laer-Parlementstraat, Privaatsak 9114, Kaapstad 8000.

In gevalle waar sertifikate ten opsigte van verlede jaar nog uitstaande is, mag dit `n invloed hê op die toestaan van salarisvordering vir 2004. Uitstaande sertifikate moet onmiddellik ingehandig word asseblief.

'n Afskrif van die gemelde sertifikaat word vir u gebruik en fotokopiëring volgens u behoeftes aangeheg.

U samewerking vir sover dit personeel onder u beheer raak, word op prys gestel.

GETEKEN: G.J. ELLIOTT
HOOF: ONDERWYS
DATUM: 2004:07:27