1. In die lig van die hoë koste verbonde aan die versending van ‘n toenemende volume pos deur Hoofkantoor, word die volgende besparingsmaatreëls weereens onder u aandag gebring:
1.1 Gewone pos sal slegs op Donderdae deur Registrasie versend word.
1.2 Gedrukte omsendbriewe of minute sal elke derde Donderdag aan skole versend word, tensy daar op direkteursvlak gesertifiseer word dat dit ‘n sperdatum bevat en so gou as moontlik gepos moet word. Indien ‘n omsendbrief of minuut buite versendingstyd gepos moet word, sal die betrokke direktoraat verantwoordelik wees vir die betaling van die posgeld.
1.3 Omsendbriewe of minute sal in elektroniese formaat aan alle skole wat oor e-posfasiliteite beskik, versend word. Indien hierdie omsendbriewe of minute egter bylaes het wat nie per e-pos versend kan word nie, sal hulle gehanteer word soos uiteengesit in paragraaf 1.2 hierbo.
2. Die datums waarop omsendbriewe of minute gedurende 2004 gepos sal word, is soos volg:
 8 April 2004        19 Augustus 2004
29 April 2004         9 September 2004
20 Mei 2004          30 September 2004
10 Junie 2004        21 Oktober 2004
 8 Julie 2004        11 November 2004
29 Julie 2004        25 November 2004
3. Enige navrae in verband met die inhoud van hierdie minuut kan gerig word aan:
Me. Martie Fick            Me. Fowzia Manie
Telefoon: 021 467 2758     021 467 2756
E-pos: Martie Fick         Registry
(mfick@pgwc.gov.za) (registry1@pgwc.gov.za)
4. Bring asseblief die inhoud van hierdie minuut onder die aandag van alle belanghebbendes.
5. U samewerking sal op prys gestel word.


GETEKEN: W.L. CARELSE
HOOF: ONDERWYS
DATUM: 2004:03:08