| 1. |
Die Staatspresident het aangekondig dat die nasionale verkiesing op 14 April 2004 sal plaasvind. Ten einde hierdie proses te vergemaklik, en in die belang van demokrasie, kan die Wes-Kaap Onderwysdepartement (WKOD) dalk weer versoek word om behulpsaam te wees deur onderwysfasiliteite as stemlokale beskikbaar te stel. Indien skole en ander onderwysinrigtings in hierdie verband genader sou word, sal die WKOD geen beswaar hê indien hulle hulle geboue vir dié doel beskikbaar stel nie. |
| 2. |
Let egter daarop dat met die oog op die veiligheid van personeel, studente en leerders, asook die beskerming van skool- en ander eiendom en vergoeding vir skade, ens., daar in sulke gevalle vooraf 'n ooreenkoms tussen die Onafhanklike Verkiesingskommissie (OVK) en die betrokke inrigting opgestel sal moet word. |
| 3. |
Bring asseblief die inhoud van hierdie minuut onder die aandag van die beheerliggaam. |
GETEKEN: J.H. LYNERS
HOOF: ONDERWYS
DATUM: 2004:02:17
|