1. Ten spyte daarvan dat kennisgewings rakende die indien van rekwisisies vir goedere en/of dienste op 20 November 2003 en 2 Februarie 2004 via e-pos versend is, word rekwisisies steeds in hierdie laat stadium ingedien.
2. Die Direktoraat Logistieke Dienste is nie van voorneme om aan Verantwoordelikheidsbestuurders voor te skryf wanneer hulle goedere en/of dienste moet aanvra nie. Wat egter besef moet word, is dat die oorskakeling na BAS vanaf 1 April 2004 ook ‘n uitwerking op die aankoopproses sal hê. Goedere en dienste te Hoofkantoor word deur LOGIS aangekoop. Betalings wat uit hierdie bestellings voortspruit, moet teen 27 Februarie 2004 afgehandel wees om LOGIS toe te laat om by BAS in te skakel.
3. Ons het herhaaldelik versoek dat rekwisisies vir goedere en/of dienste ingedien moet word ten minste ‘n maand voordat hulle benodig word. Die laat indien van rekwisisies laat ons met te min tyd om al die verkrygingsprosesse betyds te volg. Ook is daar nie tyd vir lewering en betaling nie. ‘n Implikasie van die LOGIS/BAS-inskakeling is dat selfs bestellings vir goedere en/of dienste wat alreeds geplaas is, maar wat teen 27 Februarie 2004 nog nie gelewer en betaal is nie, gekanselleer en weer by LOGIS ingedien sal moet word. Die betaling sal oorgedra word na die nuwe boekjaar. Ons sal egter probeer om bestaande bestellings te hanteer om aflewering en betaling voor die genoemde datum afgehandel te kry.
4. Vanaf die datum van hierdie kennisgewing sal dit nie vir ons moontlik wees om enige verdere rekwisisies te aanvaar nie. Verantwoordelikheidsbestuurders wat rekwisisies sedert die laaste kennisgewing van 2 Februarie 2004 ingedien het, sal die feit moet aanvaar dat hierdie bestellings gekanselleer of teen die nuwe begroting gedebiteer kan word. Verantwoordelikheidsbestuurders word versoek om met mnr Royston Africa by telefoon (021) 467 2819 in verbinding te tree indien hulle wil vasstel/ rëel watter bestellings gekanselleer en weer by LOGIS ingedien moet word en watter glad nie in aanmerking geneem sal/ moet word nie.
5. Lig asseblief alle betrokke personeellede dienooreenkomstig in.


GETEKEN: W.L. CARELSE
HOOF: ONDERWYS
DATUM: 2004:02:11