Om saam te val met Internasionale Dwelmbewustheidsdag op 26 Junie 2004, is die tydperk 21 tot 26 Junie tot Dwelmbewustheidsweek verklaar. Vanweë die ernstige uitwerking wat dwelmmisbruik op ons leerders kan hê, verleen die WKOD sterk steun aan hierdie inisiatief.

Aangeheg is die volgende dokumente wat u kan help met die beplanning van aktiwiteite om die misbruik van middels by u skole te bestry:

• 'n Brief van die LUR vir Onderwys, Cameron Dugmore, waarin hy 'n pleidooi lewer vir deelname aan proaktiewe intervensiestrategieë vir die Wes-Kaap

• 'n Inligtingsbrosjure rakende die misbruik van middels, wat opgestel is deur die Afdeling Veilige Skole

• Voorgestelde fase-aangepaste leerprogramme wat deur die Direktoraat: Kurrikulumbeplanning voorberei is

U word sterk aangemoedig om van 21 tot 26 Junie ten minste een uur gedurende die week te wy aan die onderwerp van die misbruik van middels, hulle skadelike uitwerking op die welsyn van individue en die gevolglike impak daarvan op die samelewing.

GETEKEN: D.R. SHEPHERD
HOOF: ONDERWYS
DATUM: 2004:06:18