1. Die Geïntegreerde Gehaltebestuurstelsel (GGBS) vir skoolgebaseerde opvoeders word tans in werking gestel. Op hierdie stadium moet elke opvoeder in besit wees van 'n persoonlike afskrif van die ondersteuningsmateriaal wat per e-pos aan skole gestuur is, en 'n personeelontwikkelingspan (POS) moes by alle skole ingestel gewees het.
2. Prinsipale, met die hulp van die nuutgevormde POS'e moet seker maak dat opvoeders 'n opvoederslys geteken het wat aandui dat hulle die ondersteuningsmateriaal ontvang het en bevestig dat hulle 'n GGBS-opleidingsessie bygewoon het. Dit is 'n belangrike administratiewe taak wat ressorteer onder Resolusie 8 van 2003 om seker te maak dat elke opvoeder 'n afskrif van die ondersteuningsmateriaal het en 'n opleidingsessie oor die GGBS bygewoon het.
3. Die elektroniese fondsoordragte (EFO's) word tans geprosesseer en 'n groot getal skole het al hulle betalings ontvang. Prinsipale word weereens daaraan herinner dat die primêre doel van hierdie EFO's is om die drukkoste en billike spysenieringskoste te dek. Prinsipale wat graag navraag wil doen aangaande die EFO vir die GGBS-opleiding, kan hulle plaaslike OBOS se administrasieafdeling kontak om die Basiese Rekenkundestelsel (BRS) te raadpleeg of sodanige fondse al oorgeplaas is of nie.
4. Prinsipale en POS'e moet besonderhede van opvoeders wat nie die GGBS-opleidingsessies kon bywoon nie via hulle kringbestuurder na die GGBS by die OBOS aanstuur. Die Direktoraat Menslikehulpbronontwikkeling sal 'n GGBS-opleidingsessie vir hierdie opvoeders aanbied. Nadat hierdie sessies voltooi is, moet enige opvoeders wat nie die finale GGBS-opleiding deurloop het nie deur hulle POS opgelei word, soos uiteengesit in Resolusie 8 van 2003.
5. Die volgende is by hierdie minuut aangeheg:
(a) 'n Oorsiglys wat deur die prinsipaal en die POS voltooi moet word om aan te dui hoeveel vordering met die implementering gemaak is. Hierdie oorsiglys moet voor of op 19 November 2004 na u kringbestuurder gefaks of per e-pos gestuur word.
(b) Die Bestuursplan vir die implementering van die eerste jaarlikse siklus.

Bring asseblief die inhoud van hierdie minuut onder die aandag van alle betrokkenes.



GETEKEN: L.J. ROSE
HOOF: ONDERWYS
DATUM: 2004:11:04

Oorsiglys  (grootte: 15 KB)
Bestuursplan  (grootte: 13 KB)