| 1. |
Die Geïntegreerde Gehaltebeheerstelsel (GGBS) vir skoolgebaseerde opvoeders word tans geïmplementeer. Teen hierdie tyd sal die prinsipaal en een posvlak 1-opvoeder van elke skool al 'n eendaagse oriënteringsessie voltooi en 'n Personeelontwikkelingspan (POS) by hulle onderskeie skole ingestel het. |
| 2. |
Ingevolge die bepalings van Kollektiewe Ooreenkoms 8/2003, sal diensverskaffers in die loop van 'n 5 weke-program gedurende die derde kwartaal volledige opleiding aan alle opvoeders in die provinsie verskaf. 'n Opleidingsessie van 3½ uur sal van 14:00 tot 17:30 by elke skool aangebied word. In die geval van klein skole sal ongeveer 50 opvoeders van verskeie skole saamgegroepeer word. |
| 3. |
Die volgende is aangeheg: |
| 3.1 |
'n Elektroniese weergawe van die materiaal wat vir opleiding benodig word. Prinsipale word versoek om te verseker dat 'n kopie vir elke opvoeder gemaak word. Om drukkoste en matige verversingskoste te dek, sal fondse elektronies na skole oorgeplaas word. Aangesien die opleiding plaaslik geskied, sal geen reiskoste betaal word nie. |
| 3.2 |
'n Powerpoint-aanbieding om skole te help met voorbereiding vir die volle implementering van die GGBS |
| 4. |
Die datums vir die voltooiing van die finale evaluerings sal aan skole voorsien word sodra daar nasionaal duidelikheid oor die skedule is. In die kort termyn moet skole egter verseker dat alle preliminêre stappe afgehandel is, die nodige strukture daargestel is en die basiese evaluerings van elke personeellid afgehandel is. Let daarop dat die voltooiing van die basiese evaluering die dringendste doelwit vir alle opvoeders is. |
| 5. |
Bring asseblief die inhoud van hierdie minuut onder die aandag van alle betrokkenes. |
GETEKEN: L.J. ROSE
HOOF: ONDERWYS
DATUM: 2004:08:30
|