1. Beurse vir deeltydse studie vir die 2005-akademiese jaar is beskikbaar aan die volgende:

  • Staatsdienspersoneel (uitgesluit KS-opvoeders) in die diens van die Wes-Kaap Onderwysdepartement (WKOD) wat besig/van voornemens is om deeltyds te studeer (Let daarop dat beurse vir opvoeders wat die Nasionale Professionele Onderwysdiploma (NPOD) of die Gevorderde Onderwyssertifikate (GOS'e) wil verwerf, uit ander bronne befonds sal word.)

  • Amptenare wat voltyds aangestel is

  • Amptenare wat voldoen aan die toelatingsvereistes van die betrokke onderwysinrigting

  • Amptenare wat nie in besit is van 'n staats- of enige ander beurs nie
2. Alle aansoeke sal aan die hand van die volgende kriteria geëvalueer word:

  • Die toepaslikheid van die voorgenome studieveld met betrekking tot die WKOD se huidige en toekomstige strategiese behoeftes

  • Die relevante direktoraat se behoefte aan spesifieke/skaars vaardighede

  • Gelyke indiensneming - ras, geslag, liggaamlike gebreke

  • Plattelandse versus stedelike gebiede

  • Eerste aansoek

  • Is vorige aansoeke afgewys? Indien wel, het die amptenaar op eie koste die studie voortgesit?

  • Kwalifikasies

  • Na-graads versus voorgraads

  • Waarde van die kwalifikasie vir die Departement

  • Loopbaanbeplanning met betrekking tot individuele amptenare

  • Toesighouer se aanbeveling met betrekking tot die spesifieke behoeftes van die departement (moet aangeheg word aan die vorm)

  • Beskikbaarheid van fondse
3. Die vereistes van die Wet op Diensbillikheid (Wet 55/1998), die Wet op Vaardigheidsontwikkeling (Wet 97/1998) en ander relevante wetgewing en beleidsdokumente sal ook by die toekenning van beurse in aanmerking geneem word.
4. Beurstoekennings sal nie die werklike registrasie- en onderriggeld oorskry nie, maar sal dit ook nie noodwendig dek nie. Die bedrag sal bepaal word deur die aantal aansoeke wat ontvang word en die fondse wat beskikbaar is.
5. Werknemers wat om so 'n beurs aansoek wil doen, moet die aangehegte beursaansoekvorm volledig invul (duidelike fotokopieë is aanvaarbaar) en versend om die volgende adres teen nie later nie as Donderdag 30 September 2004 te bereik: 
Hoof: Onderwys
(Vir aandag: Mnr JA Smit)
Direktoraat: Mensehulpbronontwikkeling
Wes-Kaap Onderwysdepartment
Privaatsak X9114
KAAPSTAD
8000
6. Aansoeke kan ook in die voorportaal van Grand Central Towers, Laer Parlementstraat, Kaapstad gepos word.
7. Geen laat, onvolledige of onleesbare aansoeke sal oorweeg word nie.
8. Maak asseblief seker dat alle personeel bewus is van die inhoud van hierdie minuut.


GETEKEN: L.J. ROSE
HOOF: ONDERWYS
DATUM: 2004:08:30

Aansoekvorm  (grootte: 34 KB)