1. Hoofde van onderwysinrigtings, skoolbestuurspanne, skoolbeheerliggame, opvoeders, ouers en leerders word aangemoedig om praktiserende en afgetrede Wiskunde- en/of Wetenskap- en/of Tegnologie-opvoeders vir die Wiskunde-, Wetenskap- en Tegnologie-onderwyser-van-die-jaar-toekenning te nomineer.
2. Die hoofborge van die program is die Telkomstigting, die Sowetan en Protec.
3. Let asseblief op die volgende rakende die nominasieproses:
3.1 'n Nominasievorm is aangeheg. (Fotokopieë is aanvaarbaar.) Die nominasievorm moet korrek ingevul word en geen inligting moet uitgelaat word nie. 'n Uiteensetttng van die pryse wat op provinsiale en nasionale vlak gewen kan word, verskyn agter op die nominasievorm.
3.2 Genomineerdes moet in een van die volgende kategorieë ingeskryf word:
(a) Praktiserende opvoeders: AOO-fase
(b) Praktiserende opvoeders: VOO-fase
(c) Afgetrede opvoeders
3.3 Die kriteria op die nominasievorm sal nomineerders help met hulle assessering van genomineerdes.
3.4 'n Genomineerde moet slegs 'n portefeulje en twee getuigskrifte indien as hy of sy tot by die provinsiale eindrondte vorder. Duidelike riglyne oor wat die portefeulje moet bevat sal in daardie stadium verskaf word.
3.5 Daar sal van provinsiale finaliste verwag word om 'n werkswinkel wat deur een van die borge, die Shuttleworthstigting, georganiseer word, by te woon.
3.6 Slegs die wenners in die kategorieë Praktiserende opvoeder: VOO en Afgetrede opvoeder sal vorder tot by die nasionale eindrondtes wat in Maart 2005 in Johannesburg sal plaasvind.
3.7 Voltooide nominasievorms (gemerk Vir aandag: Wiskunde-, Wetenskap- en Tegnologie-koördineerders) moet teen nie later nie as 29 Oktober 2004 gestuur word aan die Hoofkurrikulumadviseur by u OBOS.
4. Vir verdere inligting tree in verbinding met die provinsiale koördineerder, Amanda Engelbrecht, by (021) 467 2568 of stuur 'n e-pos aan Amanda Engelbrecht (aengelb@pgwc.gov.za.).
5. Ek wil graag my steun vir hierdie program uitspreek en u versoek om behulpsaam te wees met die verkryging van nominasies.


GETEKEN: J.A. SMIT
HOOF: ONDERWYS
DATUM: 2004:08:16