| 1. |
Die Departement van Onderwys (DvO), in samewerking met die WKOD, onderneem vanaf 1 tot 21 September 2004 'n landwye sistemiese evaluering van die Intermediêre fase. Aangesien primêre, gekombineerde en intermediêre skole regoor die Wes-Kaap betrek sal word, sal amptenare van alle OBOS'e versoek word om met die insameling van data behulpsaam te wees. |
| 2. |
Die finale keuse van skole moet nog deur die DvO gemaak word, maar daar is uit die voorlopige monster vasgestel dat indien 6 amptenare per OBOS vir hierdie doel beskikbaar gestel sou word, die ondersoek binne 12 skooldae afgehandel sou kon word. |
| 3. |
U word dus versoek om amptenare te kies wat in staat sal wees om hulp te verleen met hierdie noodsaaklike aspek van sistemiese evaluering. Opleiding in die dataversamelingsprosedure is geskeduleer vir 24 en 25 Augustus 2004, en besoeke aan die skole sal op Woensdag 1 September 2004 'n aanvang neem. |
| 4. |
Bring asseblief die inhoud van hierdie minuut onder die aandag van alle amptenare. |
| 5. |
Navrae rakende die inhoud van hierdie minuut kan gerig word aan me K Bydell by telefoon (021) 467 2571 of e-pos Quality Assurance ( qualass@pgwc.gov.za ). |
GETEKEN: J.H. LYNERS
HOOF: ONDERWYS
DATUM: 2004:07:01
|