1. 'n Groot aantal permanent aangestelde opvoeders in die Wes-Kaap Onderwysdepartement (WKOD) is ondergekwalifiseerd t.o.v. die minimum professionele vereistes vir onderwysers om by die Suid-Afrikaanse Raad vir Opvoeders (SARO) geregistereer te word.
2. Die NPDO is 'n program wat ontwerp is om opvoeders wie se kwalifikasies tans op ROKW 12 of laer ge-evalueer is van 'n kwalifikasie te voorsien wat gelykstaande is aan ROKW 13, wat die minimumvereiste vir registrasie by SARO is.
3. Normaalweg duur die program twee jaar vir deeltydse studie.
4. Die Universiteit van Wes-Kaapland (UWK) en die Kaapse Tegnikon (Kaapse Tech) sal die program aanbied en die Diploma toeken.
5. Die WKOD bied beurse aan wat die onderrigkoste van die program sal dek. Dit is beskikbaar vir geïnteresseerde opvoeders wat hulle kwalifikasies wil opgradeer.
6. Ondergekwalifiseerde opvoeders wie se kwalifikasies tans geklassifiseer is as Relatiewe Onderwyskwalifikasiewaarde (ROKW) 12 word genooi om vir hierdie beurs aansoek te doen.
7. 'n Totaal van 120 studente sal in 2004 geakkommodeer word en sal soos volg gekies word:

30 Grondslagfase- en 30 Intermediêre Fase-opvoeders vanuit die Metropole

30 Grondslagfase- en 30 Intermediêre Fase-opvoeders vanuit die landelike OBOS'e

L.W. Kontaksessies vir die landelike OBOS-opvoeders sal in die Paarl gehou word. Die beurs maak nie voorsiening vir reiskoste nie.
8. Kursusse sal in JULIE 2004 'n aanvang neem.
9. Opvoeders wat om 'n beurs wil aansoek doen, moet die aangehegte aansoekvorm voltooi. Fotokopieë is aanvaarbaar, op voorwaarde dat hulle leesbaar is.
10. Aansoekvorms moet korrek voltooi en voorgelê word via prinsipale op of voor Maandag, 21 Junie 2004 aan 
Mnr J Smit
Direktoraat: Menslikehulpbronneontwikkeling
Kamer 8-79 
Grand Central Towers
Laer Parlementstraat
Kaapstad
8000
11. Bring asseblief die inhoud van hierdie minuut onder die aandag van alle betrokkenes.

U samewerking sal waardeer word.



GETEKEN: L.J. ROSE
HOOF: ONDERWYS
DATUM: 2004:06:03

Beursaansoekvorm  (grootte: 34 KB)