| 1. |
Vanaf die 2de kwartaal van 2004 bied die Wes-Kaap Onderwysdepartement werkswinkels aan om die doeltreffende implementering van sy Diensbillikheidsplan by alle onderwysinrigtings onder sy beheer te verseker. |
| 2. |
Aangesien 'n algehele begrip van al die aangeleenthede rakende die implementering van die Diensbillikheidsplan van groot belang is, sal hierdie werkswinkels onder andere die volgende hanteer:
Die Wet op Diensbillikheid Diensbillikheid en regstellende aksie Begrip van diversiteit Vaardigheidsontwikkeling ten einde diensbillikheid te bevorder.
|
| 3. |
Daar sal van elke inrigting verwag word om drie verteenwoordigers (die hoof, ‘n opvoederverteenwoordiger en die voorsitter van die beheerliggaam) na die werkswinkel te stuur. |
| 4. |
Kringbestuurders sal hoofde van inrigtings verwittig van die datums vir die werkswinkels in hulle onderskeie kringe. Daar sal van elke afgevaardigde verwag word om voor die bywoning van die werkswinkel kort antwoorde op ‘n paar vrae voor te berei. |
GETEKEN: L.R. ROSE
HOOF: ONDERWYS
DATUM: 2004:04:13
|