1. Die Nasionale Onderwystoekennings verleen erkenning aan uitmuntendheid en 'n hoë vlak van professionalisme en skep die geleentheid vir die onderwysprofessie om die prestasies van uitstaande opvoeders te vier. Daarbenewens vestig hulle die aandag op die uitsonderlike werk wat deur opvoeders in die algemeen gedoen word. Die Wes-Kaap Onderwysdepartement is trots daarop om die aanbieder en organiseerder van die Nasionale Onderwystoekennings in die provinsie te wees.
2. Die verskillende kategorieë van toekennings is soos volg: 
KATEGORIE: UITNEMENDHEID IN VROEëKINDONTWIKKELING
KATEGORIE: UITNEMENDHEID IN LAERSKOOLONDERRIG
KATEGORIE: UITNEMENDHEID IN SEKONDêRESKOOLONDERRIG 
KATEGORIE: UITNEMENDHEID IN LEIERSKAP OP LAERSKOOLVLAK
KATEGORIE: UITNEMENDHEID IN LEIERSKAP OP SEKONDêRESKOOLVLAK
KATEGORIE: UITNEMENDHEID IN SPESIALEONDERWYSBEHOEFTESONDERRIG
KATEGORIE: UITNEMENDHEID IN BASIESE 
VOLWASSENEONDERRIG (Nuwe kategorie)
KATEGORIE: LEWENSLANGEPRESTASIETOEKENNING
3. Alle opvoeders word uitgenooi om deel te wees van die proses deur nominasies by hulle skoolhoofde/sentrumbestuurders in te dien. Op hulle beurt sal laasgenoemdes die nominasies aanstuur na die koördineerders by die onderskeie Onderwysbeheer-en-ontwikkelingsentrums (OBOS'e). Die kriteria en formaat van die nominasies is aangeheg. Indien u enige verdere kopieë of inligting benodig, tree asseblief in verbinding met een van die volgende köordineerders: 
Suid-Kaap/Karoo: Fernholdt Galant 
Breederivier/Overberg: Japie Bailey en Leon Rousseau 
Weskus/Wynland: JA Mouton en Michael le Cordeur 
Metropool-Suid: Bernard Daniels en Nick Sayster 
Metropool-Oos: Philip Saunders en Nelson Mama
Metropool-Noord: Martie Bekker
Metropool-Sentraal: Karen Jansen en Gloria le Keur
4. Die amptelike National Teaching Awards 2003-boekie met die name en besonderhede van vorige wenners is ook ingesluit.
5. Bring asseblief die inhoud van hierdie minuut onder die aandag van al u personeellede.


GETEKEN: J. SMIT
HOOF: ONDERWYS
DATUM: 2004:04:01


Die dokumente, waarna verwys word as bylaes by die minuut, word nie aangeheg nie maar is as drukstukke beskikbaar.