1. Die Departement van Gesondheid het die Wes-Kaap Onderwysdepartement (WKOD) in kennis gestel van hulle beplande massaveldtog vir immunisering teen polio en masels vir kinders onder die ouderdom van 5 jaar.
2. Die WKOD ondersteun hierdie inisiatief en versoek dat alle skole by hulle onderwysers, nie-onderwyspersoneel en leerders sal aandring om ouers en versorgers van kinders sterk aan te moedig om kinders onder die ouderdom van 5 na die naaste gesondheidskliniek of immuniseringspunt te neem tydens elk van die volgende periodes: 
Eerste rondte immuniserings: 26 - 30 Julie 2004
Tweede rondte immuniserings: 30 Augustus - 3 September 2004
3. Dit is belangrik vir skole om ouers en versorgers daaraan te herinner dat kinders vir albei rondtes immunisering geneem moet word.
4. Vir meer inligting word skole verwys na die aangehegte kennisgewing, persvrystelling en dokument getiteld Measles and Polio: Questions and Answers.
5. Bring asseblief die inhoud van hierdie minuut en meegaande dokumente onder die aandag van alle onderwysers, nie-onderwyspersoneel en leerders.


GETEKEN: F.A. BOOYSE
HOOF: ONDERWYS
DATUM: 2004:07:23

Kennisgewing  (grootte: 73 KB)