1. Die Wes-Kaap Onderwysdepartement (WKOD) het besluit om twee vakaturelyste vir 2005 uit te reik. Elke vakaturelys sal bevorderingsposte (insluitende skoolhoofposte) en posvlak 1-poste bevat.
2. Skoolhoofde moet asseblief verseker dat advertensievorms teen die datum soos aangedui in paragraaf 4 hieronder by die WKOD ingedien word en dat ‘n afskrif van elke advertensie gestuur word aan die betrokke kringbestuurder vir sy of haar kennisname. Geen advertensies vir vakante poste sal na die sluitingsdatum aanvaar word nie. Insgelyks sal geen aansoeke om geadverteerde poste wat na die sluitingsdatum ontvang word, aanvaar word nie.
3. Advertensies moet gestuur word aan: 
Hoof: Onderwys
(Vir aandag: Mev N Solomons, 9de vloer)
Wes-Kaap Onderwysdepartement
Privaatsak X9114 
KAAPSTAD 
8000
4.

Die volgende tabel dui die beoogde datums van publikasie en ander relevante datums aan:

Sluitings- datum vir advertensies Sluitings- datum vir kommentaar oor elektroniese konsep- vakaturelys Publikasie- datum van vakaturelys Sluitings- datum vir ontvangs van aansoeke Sluitings- datum om aansoeke by skole te besorg Sluitings- datum vir ontvangs van benoemings- vorms van beheer- liggame Datum waarteen benoemings goedgekeur sal word Voorgestelde aanstellings- datum
9-2-2005 23-2-2005 2-3-2005 24-3-2005 15-4-2005 13-5-2005 10-6-2005 1-7-2005
1-10-2005
1-1-2006
24-6-2005 22-7-2005 29-7-2005 26-8-2005 23-9-2005 21-10-2005 25-11-2005 1-1-2006

5. Die WKOD onderneem om, behalwe as daar buitengewone omstandighede is, by bostaande sperdatums te hou. Spesiale reëlings sal getref word om te verseker dat die sperdatums binne die verantwoordelikheidsfeer van die WKOD nagekom word. Om egter hierdie onderneming gestand te doen, is dit van kardinale belang dat ander rolspelers saamwerk en by die onderskeie sperdatums hou. In hierdie verband word veral verwys na die sluitingsdatums vir advertensies en vir die ontvangs van benoemings deur skoolbeheerliggame. Indien skoolhoofde en skoolbeheerliggame nie by die sperdatums hou nie, kan hulle nie verwag dat die WKOD by die daaropvolgende datums moet hou nie. Daar kan derhalwe geen verwagting geskep word dat benoemings wat na die aangeduide datum ontvang word, betyds afgehandel sal wees nie en in sodanige gevalle kan die WKOD besluit om aanstellings ingevolge wetlike voorskrifte te maak.
6. Die WKOD se onderneming moet gesien word as ‘n poging om hierdie belangrike taak binne die wetlike en arbeidsvoorskrifte en tot voordeel van almal te bestuur.
7. Die samewerking van alle betrokkenes sal die suksesvolle bestuur van hierdie belangrike taak verseker en sal hoog op prys gestel word.


GETEKEN: R.B. SWARTZ
HOOF: ONDERWYS
DATUM: 2004:12:03