| 1. |
Ingevolge paragraaf 5 van Publieke Administrasiekode D.XVI en paragraaf XXVIII (3) van SDKBR-resolusie 3/1999, saamgelees met SDKBR-resolusie 6/2003, word voorsiening gemaak vir die erkenning van |
| 1.1 |
20 jaar voltydse, ononderbroke, volgehoue diens deur die toekenning van 'n paslike sertifikaat en die keuse om 10 dae van die aansoeker se eie beskikbare opgehoopte verlof te verdiskonteer. |
| 1.2 |
30 jaar voltydse, ononderbroke, volgehoue diens deur die toekenning van ‘n paslike sertifikaat, die keuse om 15 dae van die aansoeker se eie beskikbare opgehoopte verlof te verdiskonteer en ‘n eenmalige belasbare kontantbedrag van R3 000.00 (soos bepaal deur SDKBR-resolusie 6/2003). |
| 2. |
Alle werknemers van die Wes-Kaap Onderwysdepartement (WKOD) (staatsdiens- of opvoederpersoneel) wat gedurende die tydperk van 1 Januarie 2004 tot 31 Desember 2004 aan die vereistes in paragraaf 1.1 of 1.2 voldoen, kom vir ‘n toekenning in aanmerking. |
| 3. |
Werknemers moet op Bylae A aandui of hulle die aantal dae beskikbare opgehoopte verlof genoem in paragrawe 1.1. en 1.2 wil verdiskonteer, al dan nie. As hierdie keuse eers uitgeoefen is, kan daar nie van besluit verander word nie. Omskakeling na kontant word gedoen volgens die persoon se salariskerf op die datum waarop hy of sy vir die toegewing gekwalifiseer het. |
| 4. |
Die hoof van die inrigting (die kringbestuurder in die geval van 'n prinsipaal) of die toesighouer moet Bylae B voltooi om te bevestig dat die aansoeker volgehoue aaneenlopende diens gelewer het. |
| 5. |
Let asseblief daarop dat beide die bedrag wat vir verdiskontering van verlof ontvang word en die eenmalige bedrag van R3 000.00 (soos in paragraaf 1.2 genoem) belasbaar is. |
| 6. |
Ten einde die WKOD in staat te stel om langdienssertifikate voor te berei en te kontroleer, word u versoek om ‘n volledig voltooide Bylae C ten opsigte van die personeel op u diensstaat wat gedurende die tydperk 1 Januarie 2004 tot 31 Desember 2004 hiervoor kwalifiseer, in te dien. Die naam op die sertifikaat sal gespel word volgens die persoon se identiteitsdokument. Indien die persoon ‘n ander spelling verkies, moet dit duidelik in Bylae A en C aangedui word. |
| 7. |
Alle hoofde van inrigtings en/of toesighouers word versoek om die oorspronklike voltooide Bylae C, en afsonderlike Bylaes A en B ten opsigte van elke persoon wie se naam op Bylae C verskyn, teen nie later nie as 15 Junie 2004 aan die WKOD te voorsien. Let daarop dat kopieë wat gefaks word, onaanvaarbaar is en nie geprosesseer sal word nie. |
| 8. |
U stiptelike reaksie sal waardeer word. |
GETEKEN: J.H. HURTER
HOOF: ONDERWYS
DATUM: 2004:05:18
|