| 1. |
Kollektiewe Ooreenkoms 4/2003 van die Raad op Arbeidsverhoudinge in die Onderwys (RAVO) maak voorsiening vir opvoeders wat op posvlak 1 aangestel is en op salarisvlak 8 besoldig word, om met ingang van 1 Januarie 2004 senior onderwysers te word indien hulle ingevolge die voorgeskrewe kriteria daarvoor kwalifiseer. |
| 2. |
Die Wes-Kaap Onderwysdepartement is in besit van die aanbevelings rakende die graadvordering van hierdie opvoeders. Dit was egter nie tot dusver moontlik om hulle graadvordering op die Persalstelsel te ïmplementeer nie. Die rede hiervoor is dat die nuwe rangkodes wat vir die nuwe pos- en salarisstruktuur benodig word, soos vervat in Kollektiewe Ooreenkoms 4/2003, nog nie op die Persalstelsel geïmplementeer is nie. Hierdie saak geniet tans aandag op nasionale vlak. |
| 3. |
Sodra die nuwe rangkodes op die Persalstelsel geïmplementeer is, sal die graadvordering en die gepaardgaande salarisaanpassing (terugwerkend vanaf 1 Januarie 2004) ten opsigte van die betrokke opvoeders in werking tree. |
| 4. |
Bring asseblief die inhoud van hierdie minuut onder die aandag van alle opvoeders, veral diegene wat daardeur geraak word, en versoek hulle om die minuut te teken en te dateer. |
GETEKEN: J.H. HURTER
HOOF: ONDERWYS
DATUM: 2004:08:16
|