1. Die Wes-Kaap Onderwysdepartement (WKOD) is verbind tot die verlening van bystand aan sy werknemers wat spesiale verlof vir bogenoemde doel benodig, met inagneming van regverdigheid/gelykheid en bedryfsvereistes.
2. Aangesien die OVK moontlik weer werknemers kan nader om te help met die bedryf van die verkiesing in die Wes-Kaapprovinsie, word die volgende reëlings in hierdie verband onder u aandag gebring:
2.1 WKOD-werknemers sal aansoek moet doen om spesiale verlof om vrygestel te word van hulle normale pligte op die datums waarop hulle vir opleiding of diens rakende die verkiesing moet aanmeld. Skriftelike bewys van aanstelling deur die OVK moet die aansoek om spesiale verlof vergesel. Wanneer so 'n aansoek oorweeg word, moet bedryfsvereistes terdeë in ag geneem word.
2.2 Die OVK kan persone wat aangestel is om met die verkiesing behulpsaam te wees, vergoed. Die WKOD sal nie verantwoordelik wees vir enige bykomende reëlings en verblyf- en reiskostes nie.
3. Indien enige verdere korrespondensie van die OVK of die Departement van Staatsdiens en Administrasie ontvang word, sal u dienooreenkomstig ingelig word.


GETEKEN: J.H. HURTER
HOOF: ONDERWYS
DATUM: 2004:03:05