1. Ek verwys na Omsendminuut LS 0002/2002 van 27 Februarie 2002 in verband met bogemelde onderwerp.
2. Ondanks die feit dat die geregistreerde GBS-gebruikers opgelei en heropgelei is, word die volgende probleme nog steeds deur stelseladministrateurs en gebruikers ondervind:
2.1 GEBRUIKERS WAT OPLEIDING ONTVANG HET

Die huidige statistiekverslae toon dat sommige opgeleide gebruikers nie die stelsel gereeld of behoorlik gebruik nie, byvoorbeeld vir die bywerk van die vordering wat met ‘n geval gemaak word en die aantekening van die datum van afhandeling. Dit wil voorkom asof gebruikers nie die datum waarop ‘n saak opgelos is, aanteken nie. Dit be?nvloed nie net die statistieke wat op die GBS gereflekteer nie, maar kan ook ander gebruikers wat die GBS optimaal en korrek gebruik, frustreer.
2.2 OPLEIDING EN HEROPLEIDING VAN NUWE GEBRUIKERS

Dit is moeilik om opleiding en heropleiding van gebruikers in sommige komponente te skeduleer aangesien gebruikers aandui dat hulle nie tyd tot hulle beskikking het nie. Dit veroorsaak blokkasies op die stelsel en ook verwarring vir ander gebruikers aangesien, alhoewel die gebruikers op die stelsel geregistreer is, geen gevalle na hulle verwys kan word alvorens hulle opleiding ontvang het nie.
2.3 RAPPORTERING VAN PROBLEME

Probleme wat met die stelsel ondervind word, word nie gou genoeg of glad nie aan die stelseladministrateurs gerapporteer nie.
3. In die lig van die bogemelde word ‘n dringende beroep op u gedoen om voor 19 Maart 2004 met die GBS-administrateurs in verbinding te tree om enige probleme wat met die GBS ondervind word aan te meld en die opleidingsbehoeftes van die geregistreerde gebruikers binne u OBOS aan te dui.
4. Sodra hierdie inligting ontvang is, sal die nodige reëlings deur die stelseladministrateurs getref word om in die gebruikers se behoeftes te voorsien.
5. Die besonderhede van die GBS-administrateurs is soos volg: 
Me Marlene Erasmus, Hoofstelseladministrateur
Telefoon: 021 467 2765
E-pos:  Marlene Erasmus (merasmus@pgwc.gov.za)
Me Charmaine Currie, Assistentstelseladministrateur
Telefoon: 021 467 2757
E-pos:  Charmaine Currie (ccurrie@pgwc.gov.za)
6. Daar word op u samewerking staatgemaak.


GETEKEN: W.L. CARELSE
HOOF: ONDERWYS
DATUM: 2004:03:15