1. Die nuwe nasionale ampswapen, as die hoogste visuele simbool van die staat, is gedurende Maart 2000 deur die Kabinet goedgekeur as die amptelike korporatiewe identiteit vir die staat.
2. Riglyne is aanvanklik in verband met die gebruik van die nasionale ampswapen as ‘n korporatiewe identiteit deur die Owerheidskommunikasie-inligtingstelsels (OKIS) (Engels: Government Communication Information System (GCIS)) uitgereik.
3. Hierdie riglyne was egter nie deur alle departemente en provinsies as verpligtend beskou nie en het tot verskillende variasies en inkonsekwente toepassing daarvan gelei.
4. Ten einde leiding te verskaf oor die gebruik van die nasionale ampswapen, het die kabinet ‘n aantal aanbevelings goedgekeur. Dit sluit die aangehegte riglyne vir die gebruik van die ampswapen deur regerings-, semiregeringsliggame asook openbare entiteite in.
5. Ingevolge hierdie riglyne mag die nasionale ampswapen nie gelyktydig met die ampswapen van die provinsiale en plaaslike regering gebruik word sonder goedkeuring van die nasionale regering nie. Verdere besonderhede rakende hierdie goedkeuring kan by die webwerf GCIS (http://www.gcis.gov.za) gevind word.
6. Bring asseblief die inhoud van hierdie minuut onder die aandag van alle belanghebbendes.


GETEKEN: C.J. FOURIE
HOOF: ONDERWYS
DATUM: 2004:12:24