1. Die President van die Republiek van Suid-Afrika het opdrag gegee om vanaf Dinsdag, 23 November 2004 tot die aand van die begrafnis die Nasionale Vlag landswyd tot halfmas te hys as teken van respek vir die oorlede voorsitter van die Nasionale Raad van Provinsies, me Joyce Kgoali.
2. Wanneer die Nasionale Vlag halfmas hang, moet dit eerste tot aan die bopunt van die vlagpaal gehys word en daarna stadig een derde van die lengte van die vlagpaal, vanaf die bopunt van die vlagpaal, laat sak word. Voordat die vlag teen sonsondergang, of teen die aangewese tyd, laat sak word, moet dit eers na die bopunt van die vlagpaal gehys word. Regulasies vereis dat geen ander vlae (bv. SAPD, SANW, korporatiewe vlae, ens.) vertoon mag word wanneer die Nasionale Vlag op halfmas is nie.
3. U samewerking sal waardeer word.


GETEKEN: T.S. SHAYI
HOOF: ONDERWYS
DATUM: 2004:11:24