| 1. |
Aangesien die aankoop en betaling van dienste/goedere tydrowende prosesse is, word alle verantwoordelikheidsbestuurders versoek om versoeke om goedere en dienste vir die huidige boekjaar teen nie later nie as 29 November 2004 by mnr RL Africa in Kamer 6-03 in te dien. Dit sal beteken dat versoeke en betalings voor die einde van die huidige boekjaar geprosesseer kan word. |
| 2. |
Die verkrygingsvoorskrifte laat nie toe dat enige aanbiedinge (hetsy formele tenders of Sourcelink-gevalle) tussen 15 Desember en 15 Januarie sluit nie (besighede is normaalweg dan gesluit). Omdat daar nog net ‘n maand oor is voor 15 Desember 2004, moet u behoorlik volltooide rekwisisievorm (VA2), tesame met die spesifikasie van die goedere/dienste en die voltooide BAS 0002 (Toekenningaanhangsel), dus betyds ingedien word. |
| 3. |
Daar is rede om te glo dat verantwoordelikheidsbestuurders onder die indruk verkeer dat versoeke om afwyking van normale verkrygingsprosedures te enige tyd ingedien kan word. Aangesien behoeftes aan goedere en dienste behoorlik beplan moet word, is die maatreëls rakende afwyking van die voorskrifte hoofsaaklik ingestel om voorsiening vir noodgevalle te maak. Gevalle van advertering vir aanbiedinge oor verkorte adverteringstydperke en aansoek om kwotasies wat buite die normale voorskrifte ingewin is, kan derhalwe nie oorweeg word nie. |
| 4. |
Indien versoeke om goedere en dienste laat ingedien word, kan hierdie uitgawes teen die begroting vir 2005/06 gedebiteer word, iets wat om begryplike redes vermy moet word. |
| 5. |
Ons maak staat op u samewerking. |
GETEKEN: W.L. CARELSE
HOOF: ONDERWYS
DATUM: 2004:11:16
|