1. Die beleid rakende omsendbriewe en minute is in Omsendbriewe 0026/96 van 14 Maart 1996, 0036/99 van 6 April 1999 en 0001/04 van 5 Januarie 2004 bekendgemaak.
2. Ingevolge hierdie beleid, moes onderskeidende alfa-numeriese nommers toegeken word aan minute wat deur direktorate en OBOS'e uitgereik word, bv. Logistieke Dienste: LS 0001/2004. Die alfa-gedeelte van die nommer was ‘n kode verteenwoordigend van die betrokke direktoraat. Die numeriese gedeelte was die kronologiese nommer van die minuut en die jaar waarin dit uitgereik is.
3. Ten einde enige onsekerheid te vermy, sal die kode van die direktoraat of OBOS voortaan egter deur die volle naam vervang word, bv. LOGISTIEKEDIENSTEMINUUT: 0001/2005 en OBOS WESKUS/WYNLANDMINUUT: 0001/2005
4. Die kodes wat aanvanklik aan direktorate toegeken is, verskyn op die aangehegte lys (Bylae A) en is ook beskikbaar op die WKOD-webblad by "WCED Circulars and Minutes".
5. Bring asseblief die inhoud van hierdie minuut onder die aandag van alle belanghebbendes.
6. Enige navrae in verband met die inhoud van hierdie minuut kan gerig word aan me ME Erasmus by 021 467 2765 of me MM Fick by 021 467 2758.


GETEKEN: W.L. CARELSE
HOOF: ONDERWYS
DATUM: 2004:11:04

Bylae A  (grootte: 9 KB)