1. Die Nasionale Intelligensie Agentskap (NIA) het 'n pro forma-verklaringsdokument ontwerp wat deur alle individue wat werksaam is binne die Provinsiale Regering van die Wes-Kaap (PRWK) voltooi moet word vir elke insident of toekomstige insident van kontak met buitelandse burgers/sendings/organisasies.
2. Die Provinsiale Hoof: NIA Wes-Kaap het dus versoek dat amptenare verbonde aan die Wes-Kaap Onderwysdepartement die vereiste verklaringsvorm wat ongelukkig vanweë sy oorsprong slegs in Engels beskikbaar is, moet voltooi as hulle in aanraking was of sal kom met buitelandse burgers/sendings/organisasies. Voltooide verklarings moet ingedien word by mnr JT Solomons, Direktoraat: Logistieke Dienste, Kamer 605 (Telefoon: 467 2818) vir deursending na die Kantoor van die Direkteur-Generaal (dr Lawrence), wat geïdentifiseer is as die nodus vir die rapportering van kontak.
3. Bring asseblief die inhoud van hierdie minuut onder die aandag van al die betrokke amptenare.


GETEKEN: W.L. CARELSE
HOOF: ONDERWYS
DATUM: 2004:10:01

Pro forma-verklaringsdokument  (grootte: 43 KB)