| 1. |
Gedurende die onlangse onderhandelings oor salarisverbeteringe vir die 2004/2005 finansiële jaar het daar tydens die onderhandelinge 'n dooie punt tussen die Regering, as werkgewer, en georganiseerde arbeid ontstaan. 'n Dooiepuntsertifikaat, wat aan georganiseerde arbeid die reg verleen om tot beskermde nywerheidsoptrede oor te gaan, is uitgereik en alle aanduidings is dat laasgenoemde tot nywerheidsoptrede sal oorgaan. |
| 2. |
Ten einde voor te berei vir moontlike nywerheidsoptrede moet bestuurders/hoofde van inrigtings nou reeds prosesse aan die gang sit om te verseker dat hulle direktorate en inrigtings sal kan voortgaan om te funksioneer. Waar bestuurders/hoofde van inrigtings beplan om self deel te neem aan die nywerheidsoptrede, is dit die plig van die betrokke toesighouers/kringbestuurders om seker te maak dat sodanige prosesse in plek is. |
| 3. |
Dit is ook die plig van elke bestuurder/hoof van inrigting om
| 3.1 |
akkuraat rekord van die toestand by die inrigting te hou |
| 3.2 |
'n register by te hou |
| 3.3 |
personeel/leerders op so 'n wyse te organiseer dat daar doeltreffende kontrole is |
| 3.4 |
verantwoordelikheid te neem vir die bestuur van die direktoraat/inrigting. |
|
| 4. |
Met die oog op die bogenoemde word u aandag gevestig op die afdeling oor stakingsoptrede in die WKOD se Handleiding oor Nywerheidsoptrede, wat streng toegepas moet word, veral t.o.v. die rekordhouding van enige werknemers wat aan die nywerheidsoptrede deelneem. Aangeheg is afskrifte van die betrokke bylaes wat voltooi moet word. |
| 5. |
Die benodigde inligting, soos vervat in die WKOD se Aksieplan vir Stakings en die aangehegte Bylae B, moet die Direktoraat: Arbeidsverhoudinge vir die aandag van mnr C Esau, via die betrokke direktoraat of OBOS teen nie later nie as 15:00 op elke dag van die nywerheidsoptrede bereik, selfs as daar 'n nulopgawe is. |
| 6. |
Navrae in hierdie verband kan aan die volgende gerig word:
CR Esau - 021 467 2857
R Jansen - 021 467 2863
A Jacobs - 021 467 2416
R Ahmed - 021 467 2372
K Petersen - 021 467 2865
|
| 7. |
Die WKOD erken die reg van werknemers op billike arbeidspraktyke, soos vervat in die Grondwet en ander toepaslike wetgewing. Verder beoog die WKOD om die beginsel van "geen werk, geen betaling" ingevolge artikel 67(3) van die Wet op Arbeidsverhoudinge, toe te pas op enige werknemer wat deelneem aan die nywerheidsoptrede. |
| 8. |
U samewerking en ondersteuning sal waardeer word. |
GETEKEN: J.H. LYNERS
HOOF: ONDERWYS
DATUM: 2004:08:26
|