1. Een van die Kritieke Uitkomste soos vervat in die uitkomsgebaseerde Hersiene Nasionale Kurrikulumverklaring vereis dat leerders in staat moet wees om inligting te “versamel, ontleed, organiseer en krities te evalueer”.
2. Dit is dus noodsaaklik dat ’n wye reeks bronmateriaal, bo en behalwe teksboeke en leesboeke, beskikbaar moet wees om leerders in staat te stel om

  • inligting te interpreteer ten einde nuwe, geďndividualiseerde kennis te skep

  • bewus te word van vooroordeel, onakkurate en onvolledige inligting

  • ingeligte besluite wat gebaseer is op ontleding en evaluering van relevante inligting te neem

  • op ’n multivlak wyse te dink.
3. Biblioteekbronmateriaal sluit in

  • naslaanwerke (ensiklopedieë, atlasse, woordeboeke, ens.)

  • vakliteratuur (boeke wat feite en inligting bevat)

  • fiksie (romans, kortverhale, fabels, legendes, prenteboeke, ens.)

  • plakkate en pamflette

  • tydskrifte en koerante

  • video’s wat vooraf opgeneem is, oudiokassette en CD-ROM's

  • multimedia-pakkette.
4. Die Norme-en-standaardetoekenning aan skole maak voorsiening vir biblioteekbronmateriaal (asook vir handboeke en leesboeke). Die volgende inligting in Omsendbrief 41/2004 het hierop betrekking:
4.1 Biblioteekbronmateriaal word ingesluit in die term "ander boeke" (paragraaf 4 van Bylae A).
4.2 Alle skole moet 71% van die oorbruggingstoekenning vir die rekwisisie "handboeke en ander boeke" gebruik (paragraaf 1.1.5 van die omsendbrief)
4.3 Vorm WCED-034 moet gebruik word vir die rekwisisie van "handboeke en ander boeke". Dit sluit biblioteekbronmateriaal in (paragraaf 3.2 van Bylae A).
4.5 Alhoewel die afsnydatum vir rekwisisies van "handboeke en ander boeke" vir nie-artikel 21-skole gegee word as 27 Augustus 2004 (paragraaf 3.5.2), kan dit moontlik langer neem om biblioteekbronmateriaal te bestel en dus is hierdie skole se afsnydatum vir die indiening van rekwisisies vir biblioteekbronmateriaal 15 Desember 2004.
5. Vir meer inligting en leiding in bogenoemde verband, tree asseblief in verbinding met me Colleen Meinert by EDULIS (WKOD Onderwysbiblioteek- en Inligtingsdiens), tel. (021) 957 9638, e-pos Colleen Meinert (cmeinert@pgwc.gov.za).


GETEKEN: M.J. CHILES
HOOF: ONDERWYS
DATUM: 2004:09:17