| 1. |
Die WKOD sal die Vlak 4 assessering in Junie 2004 aanbied ooreenkomstig die reëls, kriteria en standaarde soos neergelê. Die Direktoraat: Eksamens sal volle verantwoordelikheid neem vir die organisasie en administrasie van die assessering tesame met die Direktoraat: Kurrikulum Ontwikkeling wat die nodige VBOO-kundigheid sal voorsien. |
| 2. |
Alle geregistreerde WKOD Gemeenskapsleersentrums word versoek om hulle leerders in te skryf vir assessering in die leerareas van hul keuse, maar slegs indien hulle al die eenheid standaarde in die betrokke leerareas voltooi het. Waar moontlik sal aan al die leerareabehoeftes van die leerders voldoen word. Die Direktoraat: Eksamens behou egter die reg voor om geen assessering vir ‘n leerarea waar daar te min inskrywings is aan te bied nie. Indien daar minder as 10 inskrywings vir ‘n bepaalde leerarea is, sal geen assessering in daardie leerarea plaasvind nie. |
| 3. |
Sentrumbestuurders word versoek om die ingeslote inskrywingsvorms ten opsigte van die leerders in u sentrum te voltooi. Die voltooide vorms in streng alfabetiese volgorde gerangskik tesame met Bylae A moet hierdie kantoor bereik nie later nie as 19 April 2004. Geen laat inskrywings sal aanvaar word nie. |
| 4. |
Die ervaring het geleer dat die Departement probleme ondervind om die inskrywings vir eksterne eksamens af te handel as gevolg van foutiewe inskrywings. Versoeke om leerareaveranderings wat ontvang word na afhandeling van die inskrywings asook gedurende die assessering skep groot probleme met die prosessering van die uitslae en plaas ‘n addisionele administratiewe werklas op die Direktoraat: Eksamens. Geen leerareaveranderings sal dus toegelaat word nadat die inskrywings gefinaliseer is nie. Inskrywingsvorms moet dus met sorg en noukeurigheid voltooi word. |
| 5. |
Inskrywingsgroep: Dui asseblief met die toepaslike kode aan of die leerder van ‘n Departementele ("Publieke") of onafhanklike ("Industrieel") volwassene leersentrum is. |
| 6. |
Sentrumbestuurders moet verseker dat ‘n inskrywingsvorm ingevul word vir elke leerder wat verlang om vir die assessering in te skryf. Die inskrywingsvorm van ‘n leerder wat nie beskikbaar is nie as gevolg van siekte of ander onvermydelike omstandighede moet deur die sentrumbestuurder onderteken word. Die sentrumbestuurder moet egter langs sy of haar handtekening aandui dat die leerder afwesig was. |
| 7. |
Alle voltooide vorms moet die Direktoraat: Eksamens bereik nie later as Maandag, 19 April 2004. |
GETEKEN: A.P. CLAUSEN
HOOF: ONDERWYS
DATUM: 2004:02:06
|