1. HERNASIEN VAN SKRIFTE

Kandidate se skrifte kan in die volgende gevalle hernagesien word:

1.1 ‘n Kandidaat wat die Senior Sertifikaat-eksamen in een of meer vakke gedruip het, kan sy/haar skrif(te) in daardie vak(ke) laat hernasien.
1.2 ‘n Kandidaat wat in die Senior Sertifikaat-eksamen geslaag het, maar nie in een of meer vakke ‘n standaard wat vir ‘n besondere doel vereis word, bereik het nie (byvoorbeeld matrikulasie endossement, ‘n beurs, spesifieke vereistes van ‘n tersiêre inrigting) se skrifte kan met die goedkeuring van die Departement, in sodanige vak(ke) hernagesien word. Skriftelike besonderhede oor die rede vir die hernasien moet die aansoek vergesel. Die aansoek sal nie oorweeg word sonder hierdie skriftelike besonderhede nie. (Kragtens hierdie bepalings is die Departement slegs bereid om toe te laat dat skrifte hernagesien word in ‘n vak waarin ‘n kandidaat nie 40% behaal het om aan die vereistes vir ‘n matrikulasie-endossement te voldoen nie, en wanneer daar ‘n beurs op die spel is.)
1.3 Die Departement kan na goeddunke die hernasien van ‘n skrif of skrifte van ‘n kandidaat wat in die Senior Sertifikaat-eksamen geslaag het, toelaat waar daar ‘n verskil is van minstens twee simbole tussen die kandidaat se September-punte en die punte wat in die Departementele eksamen behaal is.
1.4 Indien ‘n kandidaat in vyf of ses vakke slaag, maar in die groottotaal druip, kan die Departement na goeddunke die hernasien van ‘n skrif(te) van sodanige kandidaat toelaat.
1.5 ‘n Kandidaat wat ‘n groottotaal interval van 1680 punte in die skool se September-eksamen verwerf het en in die Senior Sertifikaat-eksamen nie minder nie as 1660 punte maar nie ‘n interval van 1680 en meer nie behaal het, kan ‘n vak of al die vakke laat hernasien.
1.6 ‘n Kandidaat wat in die skool se September-eksamen ‘n A-simbool in ‘n vak behaal het en in die Senior Sertifikaat-eksamen een simbool laer in die vak behaal het, kan daardie vak laat hernasien.
1.7 AANSOEKE OM HERNASIEN VAN SKRIFTE TESAME MET DIE VOORGE-SKREWE BEDRAG VAN R70.00 PER VAK MOET DIE DEPARTEMENT BEREIK, NIE LATER NIE, AS DERTIG (30) DAE NA DIE AMPTELIKE BEKENDMAKING VAN DIE EKSAMENUITSLAE. GEEN AANSOEK OM HERNASIEN/HERKONTROLERING/ BESIG-TIGING VAN SKRIFTE SAL OORWEEG WORD TENSY DIE VOORGESKREWE BEDRAG DIE AANSOEK BINNE DIE GENOEMDE TYDPERK VERGESEL.
1.8 L.W.: Die sluitingsdatum vir Hernasiene van die November 2004 eksamenskrifte is 31 Januarie 2005.
1.9 ELKE KANDIDAAT SAL VAN DIE UITSLAG VAN DIE HERNASIEN VAN SY/HAAR SKRIFTE IN KENNIS GESTEL WORD EN GEEN UITSLAE SAL TELEFONIES BEKEND GEMAAK WORD NIE.
2. HERKONTROLERING VAN SKRIFTE
2.1 Kandidate mag aansoek doen dat sy/haar skrifte weer gekontroleer moet word ten einde te verseker dat alle antwoorde nagesien en die punte korrek geprosesseer is.
2.2 Aansoek om herkontrolering moet gedoen word 30 dae nadat die eksamenuitslae bekend gemaak is. Die koste is R12.00 per vak en die bedrag is nie terugbetaalbaar nie.
2.3 Applikante sal per brief en, waar toepaslik, per gewysigde Uitslagadvies, van die uitslae van die herkontrolering van skrifte in kennis gestel word.
3. BESIGTIGING VAN SKRIFTE
3.1 Kandidate mag hul skrifte teen R150.00 per vak besigtig, maar slegs indien hulle nie tevrede met die uitslag van die hernasien is nie, die bedrag is nie terugbetaalbaar nie.
3.2 ‘n Skriftelike motivering vir die versoek moet by die Hoof van Onderwys ingedien word binne 30 dae nadat uitslae van die hernasien van skrifte bekendgemaak is.
3.3 ‘n Kandidaat en/of sy of haar ouer(s)/voog sal toegelaat word om die betrokke skrif(te) te besigtig en mag binne sewe dae na aanleiding van die besigtiging ‘n klag indien. Die Departement sal daarna ‘n finale besluit oor die uitslag neem.

LW: Aansoeke om die besigtiging van skrifte, tesame met die voorgeskrewe bedrag, moet die Departement teen nie later nie as sestig (60) dae na die amptelike bekendmaking van die eksamenuitslae bereik. GEEN AANSOEKE SAL DAARNA OORWEEG WORD NIE.

4. TERUGBETALING T.O.V. HERNASIEN
4.1 Terugbetalings vir die hernasien van skrifte sal eers na afhandeling van die hele hernasienproses gedoen word. Koste aangegaan vir die hernasien van enige vak word terugbetaal indien die kandidaat as gevolg van die hernasien;
(a) in ‘n vak of vakke slaag waarin hy/sy aanvanklik gedruip het;
(b) punte behaal wat die uitslag van ‘n vak met minstens een simbool verbeter.
4.2 Die koste verbonde aan hernasien is R70,00 per vak. Dit is belangrik dat die kwitansie wat uitgereik is bewaar word.
5. AANSOEKE
5.1 Aansoek om hernasien of herkontrolering moet op die voorgeskrewe aansoekvorm gedoen word.
5.2 Die aangehegte Bassvorm moet saam met die aansoekvorm ingedien word tensy daar ‘n terugbetaling plaasvind.
(a) Kandidate wat nie in besit is van ‘n bankrekening nie, moet ‘n ouer of voog se bankrekening besonderhede op die Bass vorm voltooi. (Geen fakse of afdrukke van Bass vorm word aanvaar nie)
6. NAVRAE

Vorms is beskikbaar by die volgende telefoonnommers en adresse:

021 4672010 - (e-mail) enyssche@pgwc.gov.za (E. Nyssche)
021 4672285 - (e-mail) gcloete@pgwc.gov.za (G. Cloete)
021 4672459 -  (e-mail) kdarvel@pgwc.gov.za (K. Darvel)

Hoof: Onderwys (Direktoraat Eksamens) Wes-Kaap Onderwysdepartement Privaatsak X9114 KAAPSTAD 8000 Website: http://wced.wcape.gov.za/circulars/index. Faksnommer: 021 461 5628

LW: Afsonderlike vorms moet vir die herkontroleer en/of hernasien van eksamenskrifte ingedien word.



GETEKEN: A.P. CLAUSEN
HOOF: ONDERWYS
DATUM: 2004:11:03

Aansoekvorm  (size: 34 KB)
Bassvorm  (size: 29 KB)