1. Eksamenvraestelle en puntestate sal weer in drie besendings deur SKYNET KOERIERS by eksamensentrums afgelewer word. Die eerste besending vraestelle en puntestate (12 tot 20 Februarie 2004) vir alle OBOSSE sal op 5 en 6 Februarie 2004 afgelewer word. Die tweede besending vraestelle en puntestate (23 Februarie tot 5 Maart 2004) vir alle OBOSSE sal op 17 en 18 Februarie 2004 by skole afgelewer word. Die derde besending (8 tot 19 Maart 2004) sal op 2 en 3 Maart 2004 afgelewer word. Skoolhoofde moet asseblief baie noukeurig die aantal kartondose tel wat afgelewer word en ontvangs op die afleweringsnota teken.
2. Neem asseblief kennis dat die vraestelkoevert etikette onderskei nie meer tussen voltydse, privaat en abet kandidate soos in die verlede nie. Die hoofletters “A” en “B” voor die sentrumnommer word met die letter "Z" vervang. Die etiket dui ook die verskillende besendings aan.
3. By die aflewering van die eksamenvraestelle en puntestate, moet prinsipale asseblief baie noukeurig die aantal kartondose tel wat afgelewer word en ontvangs op die afleweringsnota teken. Die kartondose mag slegs in die teenwoordigheid van die kringbestuurder vir die eerste keer oopgemaak word. Enige tekorte aan vraestelle moet onmiddellik deur die Kringbestuurder onder die aandag van mnr. C.A Berry by telefoonnommer 021 467 2265 gerapporteer word. Die tekorte van vraestelle moet daarna so spoedig moontlik met 'n faks opgevolg word.
4. Ten einde die veilige bewaring van vraestelle te verseker, word prinsipale versoek om die ingeslote kontrolelys in die teenwoordigheid van 'n departementele beampte/hoofopsiener te voltooi en aan die Departement te faks.
5. Dit is die prinsipaal se verantwoordelikheid om toe te sien dat alle vraestelle en puntestate vir veilige bewaring in 'n kluis of brandkas toegesluit word om die moontlikheid van enige onreėlmatigheid te voorkom.
6. Die prinsipaal moet persoonlik die sleutels van die kluis bewaar, ook in gevalle waar 'n skool se vraestelle en puntestate by 'n ander skool of instansie geberg word. Die kringbestuurder moet hom/haarself daarvan vergewis dat hierdie opdrag nougeset uitgevoer word.
7. Eksamenvraestelle mag onder geen omstandighede voor of tydens die eksamen die skoolgebou verlaat nie. Daar moet reėlings tussen die prinsipaal en die hoofopsiener getref word oor die oopsluit van die kluis en ander sekuriteitsmaatreėls wat met eksamenvraestelle verband hou.
8. Die noodsaaklikheid van die veilige bewaring van vraestelle en puntestate kan nie oorbeklemtoon word nie en dit is van die uiterste belang dat alle moontlike voorsorgmaatreėls getref word vir die beveiliging daarvan.


GETEKEN: L.C. ARENDSE
HOOF: ONDERWYS
DATUM: 2004:02:03

Kontrolelys vir die ontvangs van eksamenvraestelle  (grootte: 12 KB)