1. Die aangehegte voorafgedrukte eisvorms (Addendum A) moet deur die Hoofopsiener ten opsigte van homself/haarself en elke hulpopsiener wat by ‘n betrokke sentrum diens gedoen het, voltooi word. Sorg moet asseblief gedra word dat die eisvorm(s) in INK voltooi word. Die aantal sessies moet deur die prinsipaal/sentrumbestuurder bevestig word deur mede-ondertekening van die eisvorm.
2. Indien opsieners na die inhandiging van die nominasievorms van posadres verander, moet die Departement skriftelik in kennis gestel word.
3. Gevangenisse wat gebruik maak van opsieners anders as hul eie personeel, moet die Departement skriftelik van sulke reëlings inlig.
4. Opsieners sal teen Departementele tariewe vergoed word. U word daaraan herinner dat onafhanklike skole en kolleges verantwoordelik is vir die besoldiging van hul opsieners.

L.W: By die betaling van opsieners word eksamensessies voor twaalfuur as oggendsessies beskou. (Noukeurigheidstoets in Tik vanaf 9:00 - 9:10 uitgesluit) Eksamensessies wat na twaalfuur begin, word as middagsessies beskou.

5. Eise vir plaasvervangers van opsieners wat ontvang word, sal slegs geprosesseer word indien die korrekte prosedure met die nominasie en aanstelling gevolg word.
6. Daar moet toegesien word dat slegs die voorgeskrewe aantal hulpopsieners per sessie gebruik word. ‘n Verduidelikende brief moet die eisvorms vir addisionele opsieners vergesel.
7. Die meerderheid prinsipale het reeds ingestem dat opsienersgelde in hul skool se bankrekening gedeponeer kan word. Ten einde hierdie skole se eise teen 03 Desember 2004 te prosesseer, moet hulle eisvorms ingedien word om die Departement nie later nie as 24 November 2004 te bereik. Eise wat ná 24 November 2004 ontvang word, sal eers in Januarie 2005 afgehandel kan word.
8. Die eisvorm voorsien kolomme vir Hoofopsieners wie die verpligte opleidingsessie bygewoon het, om die afstand wat hulle gereis het as binne ’n radius van óf meer as 75 Km aan te dui (Eis slegs een sessie vir minder as 75 km; twee sessies vir meer as 75 km).
9. Hoofopsieners wie bystand verleen het tydens die ontvangs en kontrolering van eksamenvraestelle moet hul eis vir hierdie dienslewering in die aangewese kolom op die eisvorm aandui. Hulle mag egter vergoeding vir slegs een addisionele sessie eis vir hulp tydens die kontrolering van die 3 besendings vraestelle.
10. Ten einde die betaling van opsienerseise te bespoedig, mag die vorms na hierdie kantoor gefaks word, in welke geval die oorspronklike eisvorm aan die Departement gepos moet word. Die Hoofopsiener moet ‘n afskrif van die voltooide eisvorm vir sy/haar rekorddoeleindes hou.
11. LW: Die oorspronklike kopie van eisvorms moet op die vinnigste moontlike manier - hetsy per pos, koerierdiens, of per hand onmiddellik na afloop van die laaste eksamensessie by u sentrum, versend word aan:
Vir aandag:  Me V.B. Du Plessis 

Posadres	
Die Hoof: Onderwys
Wes-Kaap Onderwysdepartement
Direktoraat: Eksamens		
Privaatsak X9114				
KAAPSTAD
8000 

Straatadres
Die Hoof: Onderwys
Wes-Kaap Onderwysdepartement
Direktoraat: Eksamens
5de Vloer - Kamer 515 A
Grand Central Towers
Laer Parlementstraat
KAAPSTAD


GETEKEN: A.P. CLAUSEN
HOOF: ONDERWYS
DATUM: 2004:09:10


Die dokumente, waarna verwys word as bylaes by die minuut, word nie aangeheg nie maar is as drukstukke beskikbaar.